Әлки районының Базарлы Матак авылында ведомствоара комиссиясенең чираттагы утырышы узды
Әлки муниципаль районының мәдәният йорты бинасында 2019 елның 30 сентябрендә район Башкарма комитеты җитәкчесе И.В. Йосыпов җитәкчелегендә Алкогольле һәм спиртлы продукциянең законсыз әйләнешен кисәтү һәм чикләү буенча ведомствоара комиссиянең чираттагы утырышы узды. Чарада ведомствоара комиссия әгъзалары, шулай ук "Алкоторг" ҖЧҖ вәкилләре, авыл җирлекләре башлыклары һәм алкогольле продукция сатучы хуҗалык итүче субъектлар катнашты.
Утырышта 2019 елның 8 аенда районның сәүдә нокталарында һәм авыл җирлекләре киселешендә алкогольле продукцияне сату дәрәҗәсе, шулай ук Татарстан Республикасы Дәүләт алкоголь инспекциясенең Чистай территориаль органы, Әлки районы эчке эшләр бүлегенең эш нәтиҗәләре, эчкечелекне һәм алкоголь белән агуланудан үлем-китемне кисәтү чаралары турында фикер алыштылар.
Чара барышында билгеләп үтелгәнчә, Әлки районы алкоголь продукциясен сату буенча 2019 елның сигез аенда республикада соңгы урында тора.
Утырыш нәтиҗәләре буенча алкогольле продукцияне, шул исәптән республикада җитештерелгәнен, алга этәрү буенча эшне көчәйтү турында карар кабул ителде. Алкогольле һәм спиртлы продукциянең законсыз әйләнешен кисәтү һәм чикләү буенча эшне активлаштырырга кирәк. Авыл җирлекләре башлыкларына сәүдә предприятиеләрендә сатыла торган продукциянең ассортиментын күзәтергә, алкоголь базарында хокук бозуларны ачыклауда һәм авыл җирлегендә эчкечелекне профилактикалауда ярдәм итәргә тәкъдим ителде.