“Яңа Тура” технополисында булып кайттык

Татарстан Республикасы Дәүләт алкоголь инспекциясенең Зеленодол территориаль органы эчке базарны үстерү һәм координацияләү бүлеге белгечләре ТР  Дәүләт алкоголь инспекциясенең Зеленодол территориаль органына Татарстан Хөкүмәте рәсми порталының интернет-кабул итү бүлмәсе аша алынган бер кулланучының язмача мөрәҗәгате буенча, урынга чыгып, “Яңа Тура” технополисында укыту-өйрәтү чарасы үткәрде.

Кулланучы үзенең мөрәҗәгатендә кием-салым сатучы хосусый эшмәкәрнең  тупаслыгына, РФ Хөкүмәтенең  19.01.1998 ел, №55 карары белән расланган Товарларның аерым төрләрен сату кагыйдәләрен санга сукмавына (фикерләр һәм тәкъдимнәр китабы, бәя белешмәлекләре, сатудагы товарларга озату документлары булмаган) моң-зарын белдергән.

Белгечләребез кулланучылар хокукларын яклау өлкәсендә гамәлдәге закон, РФ Хөкүмәтенең 19.01.1998 ел, №55 карары белән расланган Товарларның аерым төрләрен сату кагыйдәләре һәм Ваклап сату сәүдәсе. Хезмәт күрсәтүче персоналга карата таләпләр ГОСТ Р 51305-99 буенча хосусый эшмәкәр З.М. Юлдашева өчен укыту-өйрәтү чарасы үткәрде.

Хезмәткәрләребез шулай ук “Яңа Тура” технополисы администрациясе белән дә очрашты. Очрашуда кулланучылар хокукларын яклау өлкәсендә законны үтәү мәсьәләләре буенча сүз булды.

Чара барышында кулланучылар өчен белешмәлекләр һәм алар өчен файдалы газета – «Вестник потребителя Татарстана» таратылды.