Стационар булмаган сәүдә объектында сыра саталар

2017 елның 5 октябрендә Татарстан Республикасы Дәүләт алкоголь инспекциясенең Зеленодол территориаль органы белгечләре Россия Эчке эшләр министрлыгының Зеленодол районы буенча бүлеге хезмәткәре белән берлектә стационар булмаган сәүдә объектында хәмер продукциясен җитештерү һәм әйләнештә йөртүнең легальлеген раслардай товарны озату документларына ия булмаган килеш кенә хәмер продукциясен (сыра һәм сыра эчемлекләре) сату фактын ачыклады.  Нәтиҗәдә 96 литрдан артыграк продукция хуҗасыннан алынды.

Соңыннан киоскта сыра сату белән шөгыльләнүче оешманың Бердәм дәүләт автоматлаштырылган мәгълүмат системасына (алга таба –  ЕГАИС) да тоташтырылмаганлыгы ачыкланды әле. Димәк, алкогольле продукция күпләп сатучылардан сатып алу фактларын теркәмичә генә әйләнештә йөртелгән.  Бу да закон бозу булып тора. 

Юридик зат һәм аның директоры исеменә РФ КоАП 14 статьясының 2 һәм 3 өлешләре,  14.19 статьясы буенча беркетмәләр төзүгә килү зарурилыгы турында извещениеләр җибәрелде.