“Пятерочка” сәүдә объекты сатучылары өчен

2017 елның 18 октябрендә ТР Дәүләт алкоголь инспекциясенең Арча территориаль органы хезмәткәре 162 продукция атамасы буенча бәяләргә мониторинг үткәрү барышында Балтач районы Балтач шәһәр тибындагы бистәсендә “Пятерочка” кибете сатучылары өчен кулланучылар хокукларын яклау турында законны үтәү буенча укыту-өйрәтү чарасы оештырды.

Чарада претензияләрне карап тикшерү сроклары; сыйфатлы һәм сыйфатсыз товарны кире кайтару һәм башкасына алыштыру сроклары; кулланучыга ирештерелергә тиешле товарлар, җитештерүчеләр турында мәгълүматлар күрсәтү  турында аңлатмалар бирелде. Моннан тыш азык-төлек һәм азык-төлек булмаган товарларны сату үзенчәлекләре; үлчәп сатыла торган азык-төлек товарларын сату үзенчәлекләре; товарларны сатуга әзерләү турында мәгълүматлар җиткерелде. Кире кайтарып яки башкасына алыштырып булмый торган сыйфатлы товарлар исемлегенә дә кагылып үтелде.

Территориаль орган белгече сатучыларны кызыксындырган барлык сорауларга квалификацияле, тулы җаваплар бирде.