ТР Дәүләт алкоголь инспекциясендә кулланучылар хокукларын яклау буенча олимпиада җиңүчеләре билгеләнәчәк

Татарстан Республикасы Дәүләт алкоголь инспекциясе бу атнада республиканың урта мәктәпләре укучылары өчен тәгаенләнгән олимпиаданың соңгы этабы узачагы турында хәбәр итә.

Шулай итеп, 1 сентябрьдә башланган олимпиада инде төгәлләнеп тә килә. Олимпиаданың 1 һәм 2 нче этаплары, дистанция ысулы белән, тест тутыру һәм эссе язу рәвешендә үткәрелде (2017 елның 1 сентябреннән 2017 елның 17 октябренә кадәр).

Олимпиадада катнашу өчен республикабызның төрле почмакларыннан 4085 укучы заяка тапшырды. Олимпиаданың1 һәм 2 нче этаплары нәтиҗәләре буенча 65 егет-кыз 3 нче этапка узды.

Олимпиаданың соңгы – өченче этабы Татарстан Республикасының 2 шәһәрендә уздырыла:

Казан шәһәрендә –  2017 елның 31 октябрендә  10.00 сәгатьтә Татарстан Республикасы Дәүләт алкоголь инспекциясендә (Казан ш., Һади Такташ ур., 94 й.)

Әлмәт шәһәрендә – 2017 елның 2 ноябрендә  09.00 сәгатьтә Әлмәт шәһәренең 10 нчы урта гомуми белем бирү мәктәбендә (Әлмәт ш., Лермонтов ур., 14 й.).

Олимпиаданың соңгы этабында укучыларга билгеле бер вакыт эчендә чишү өчен тест биремнәре һәм кроссвордлар; куллану мәсьәләләренә кагылышлы ситуацион биремнәр, претензияләр тутыру тәкъдим ителәчәк.

Олимпиада җиңүчесенә һәм призерларга дипломнар һәм кыйммәтле бүләкләр тапшырылачак.