Балтач районы Борбаш авылы сатучылары өчен өйрәтү чарасы узды
2017 елның 15 ноябрендә ТР Дәүләт алкоголь инспекциясенең Арча территориаль органы хезмәткәрләре ТР Балтач районының Борбаш авылында хосусый эшмәкәр М.Г. Габдрахмановның азык-төлек кибете сатучылары өчен куллану базары мәсьәләләре буенча өйрәтү характерындагы семинар үткәрде.
Чарада катнашучыларга РФ Хөкүмәтенең19.01.1998 ел, №55 карары белән расланган Товарларның аерым төрләрен сату кагыйдәләре, “Кулланучылар хокукларын яклау турында” 07.02.1992ел, №2300-1 РФ Законы нигезендә тиешле аңлатмалар бирелде. Шулай ук алкогольле продукция һәм сыраны ваклап сату өлкәсендәге законның төп нигезләмәләре аңлатылды. Товарлар һәм аларның җитештерүчеләре; сыйфатлы һәм сыйфатсыз продукцияне алыштыру һәм кире кайтару; бердәй бәя белешмәлекләрен эшләү буенча һ.б. кирәкле мәгълүматларга кагылышлы мәсьәләләр каралды.
Семинар тәмамланганнан соң сатучыларның һәммәсенә мәгълүмати белешмәлекләр таратылды.