Балигъ булмаган үсмергә сыра сатканнар

 2017 елның 17 ноябрендә Татарстан Республикасы Дәүләт алкоголь инспекциясенең Чистай территориаль органы белгечләре Нурлат шәһәрендәге кибетләрнең берсендә хәмер сатылырга ярамаган вакытта (9 сәгать 05 минутта) балигъ булмаган бер үсмергә сыра сату фактын ачыклады.

Хәзер кибет сатучысы гына түгел, бәлки хәмер продукциясе әйләнешен җайга салучы законның үтәлешен тиешенчә тәэмин итмәгән хосусый эшмәкәр дә (шуның аркасында балигъ булмаган үсмергә хәмер сатып җибәрелгән) шактый ук зур күләмдәге штраф рәвешендә административ җаваплылыкка тартылачак.