“Коррупциягә ЮК дибез” дигән мәгълүмати-иллюстрация күргәзмәсе ачылды

 “Коррупция – Россия үсешендә киртә ул (В.В. Путин). 

Гадәттәгечә, 15 ноябрьдән Татарстан Республикасы Дәүләт алкоголь инспекциясенең Әлмәт территориаль органында, Халыкара коррупциягә каршы көрәш көненә багышлап, хезмәткәрләребез балаларының рәсемнәреннән торган “Коррупциягә ЮК дибез” дигән мәгълүмати-иллюстрация күргәзмәсе эшли башлады. Коррупция төшенчәсе шәхсән баю максатыннан чыгып, вазыйфаи затның хезмәт урыныннан турыдан-туры файдалануын аңлата.

 Хәзерге вакытта коррупциягә каршы көрәш мәсьәләләренә зур игътибар бирелеп килә. Әлеге тискәре күренешкә каршы көрәшү бурычы – бик тә катлаулы.  Ә инде зурлар темасына балалар, мәктәп укучылары, яшьләр күзлегеннән карау – һәрвакыт бик кызык.

Күргәзмә балаларда коррупциягә карата нәфрәт тудыру, намуслылык һәм гаделлек хисләре тәрбияләү максатыннан үткәрелә.