“Татарстан Республикасының иң яхшы дәүләти гражданлык хезмәткәре” конкурсында җиңүчебез бар

2017 елның 25 ноябрендә, конкурс йомгаклары буенча, иң яхшы 12 дәүләт хезмәткәре Татарстан Республикасы Президенты Р.Н.Миңнеханов кулыннан конкурс лауреаты дипломнары алу бәхетенә иреште.

“Социаль өлкәне идарә итү” номинациясендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Абдуллина Ләйсән Илсур кызы җиңүгә иреште.

Быел “Татарстан Республикасының иң яхшы дәүләт хезмәткәре” конкурсы дүртенче тапкыр үткәрелде. Конкурс үзеңне күрсәтү, үз тәҗрибәң белән уртаклашу һәм яңага өйрәнү мөмкинлеге бирү белән беррәттән, дәүләт хезмәткәрләренең корпоратив, хезмәт культурасының бер өлешенә дә әйләнде.

Быел конкурста катнашучылар берничә сынау этабы аша узды. Болар – тест, телләр белүне бәяләү, һөнәри, иҗади сыйфатлар, спорт буенча әзерлек, Татарстанның территориаль төзелешен белү.

Конкурс финалына чыгучылар республика комиссиясе алдында үзләренең проектларын яклады.

Татарстан Республикасы Дәүләт алкоголь инспекциясе коллективы Ләйсән Илсуровнаны сокландыргыч җиңүе белән котлый! Аңа алга таба да һөнәри эшчәнлегендә зур уңышлар телибез!