Буклетлар өләшү

ТР Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге “Казан шәһәренең үзәкләштерелгән китапханәләр системасы” муниципаль бюджет мәдәният учреждениесендә китапханәләргә йөрүчеләргә кулланучылар хокукларын якалу өлкәсендә буклетлар һәм брошюралар тарату буенча чираттагы чараны уздырды.

Чара үткәрү барышында куллану мөнәсәбәтләре өлкәсендә актуаль темаларга багышланган мәгълүмати материал: “Эчке туризм хезмәтен күрсәтү”, “Түләүләр кабул итү”, “Кулланучының сыйфатлы товарны алыштыруга һәм кире кайтаруга хокукы”, “Пиротехника әйберләрен сатуга куела торган төп таләпләр турында”, “Касса яки товар чегы” һ.б дигән буклетлар таратылды.

Буклетлар таратуның халык  арасында алып барыла торган мәгълүмати-аңлату эшенең иң нәтиҗәле формаларыннан берсе булып торуын билгеләп үтәргә кирәк. Белешмә-мәгълүмати материаллар билгеле бер мәсьәлә буенча киңәш итү һәм белешмә характерындагы мәгълүматлардан гыйбарәт булып, кулланучыга кулланучылар хокукларын яклау өлкәсендә кирәкле белемнәр үзләштерү мөмкинлеге бирә.

Казан шәһәре китапханәләре системасына меңнәрчә кеше йөри һәм әлеге китапханәләр бөтен шәһәрне колачлый. Алар Побежимов урамында (47 й.), Ямашев (48 й.), Кирпичников (14 й.), Карбышев (40 й.), Мәүлетов (17б), Гаврилов (48 й.) урамнарында һ.б. урнашкан.

Казан шәһәре китапханәләр системасы җитәкчелегенә хезмәттәшлек һәм гражданнарыбызның кулланучы буларак аң-белемнәрен үстерүгә өлеш кертүләре өчен өчен рәхмәт белдерәбез.