Алкогольле продукция буенча республика ведомствоара дегустация комиссиясе утырышы нәтиҗәләре

 2017 елның 22 декабрендә Татарстан Республикасы Дәүләт алкоголь инспекциясенең дегустацияләр залында Алкогольле продукция буенча республика дегустация комиссиясенең (алга таба – дегустация комиссиясе) чираттагы утырышы булып узды. Көн тәртибенә бердәнбер мәсьәлә – республикабызның сәүдә объектларында сатыла торган кулланучылар арасында аеруча популяр Россия шампан  шәрабләренә һәм газлы шәраб эчемлекләренә ябык дегустация үткәрү кертелде.

Дегустациягә Россия шампан шәрабләренең 10 үрнәге, газлы шәраб эчемлекләренең – 6 үрнәге һәм конкурстан тыш бер үрнәк – “Татспиртпром” АҖ филиалы – “Казан шәраб заводы” җитештергән «VIGROSSO BIANCO» аз хәмерле газлы эчемлек тәкъдим ителде.

Барлык үрнәкләр дә Казан шәһәре сәүдә челтәреннән сатып алынды.

Дегустациягә тәкъдим ителгән үрнәкләрнең ваклап сату бәясе (0,75 л сыешлы бер шешә өчен): шампан шәрабе –  164 – 270 сум; газлы шәраб эчемлекләре – 119 – 290 сум; аз хәмерле эчемлек – 149 сум.

Барлык үрнәкләр дә сыйфат күрсәткечләре, шулай ук тышкы бизәлеше буенча дегустация комиссиясендә катнашучылар тарафыннан югары бәяләнде.

Дегустация комиссиясе әгъзалары тарафыннан бирелгән бәяләмәләр нәтиҗәләре буенча шундый нәтиҗә чыгарырга мөмкин: республикабызның сәүдә челтәрендә сыйфаты, шулай ук бәясе ягыннан кулланучы ихтыяҗын канәгатьләндерүгә сәләтле төрле төркемнәрдәге хәмер продукциясе сатыла.

«Татспиртпром» АҖгә, кулланучыларның нәрсәләргә өстенлек бирүләреннән чыгып, җитештерелә торган продукциясенең ассортиментын үзгәртү буенча киңәш-тәкъдимнәр ирештерелде.

Алкогольле продукция буенча республика ведомствоара дегустация комиссиясе утырышы нәтиҗәләре

Утырыш темасы: Шампан шәрабләре һәм газлы шәраб эчемлекләре

Утырыш датасы: 20.12.2017 ел.