Күп функцияле үзәкнең Арча районы филиалында булдык

2018 елның 17 гыйнварында ТР Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге начальнигы Л.И.Абдуллина ТР Күп функцияле үзәгенең  Арча районындагы филиалында, расланылган график нигезендә, кулланучылар хокукларын яклау буенча халыкка консультацияләр бирде.

Товарлар (хезмәт күрсәтүләр) сатып алганда килеп чыгу ихтималы булган проблемалар турында халыкка аңлату, кулланучылар хокукларын яклау мәсьәләләрендә гражданнарыбызның хәбәрдарлыгын үстерү һәм халыкта дөрес куллану күнекмәләрен булдыру чараның төп максатына әйләнде.

Чара барышында товарда теге яки бу кимчелекләр ачыкланганда кулланучы хокуклары турында мәсьәләләр: сыйфатсыз хезмәт күрсәтү очрагында гамәлләр тәртибе; сыйфатсыз товарны башкасына алыштыру һ.б. мәсьәләләре яктыртылды. Кулланучыларга товарлар яки хезмәт күрсәтүләрне көчләп такканда нишләргә, килешүләр төзегәндә нәрсәләргә игътибар итәргә, кулланучы хокуклары санга сугылмаганда кая мөрәҗәгать итәргә, дигән сорауларга җавап йөзеннән киңәш-табышлар бирелде һәм кулланучылар хокукларын яклау өлкәсендәге көн кадагына суга торган мәсьәләләр буенча белешмәлекләр, территориаль орган реквизитлары урын алган визиткалар өләшенде. Моннан тыш гражданнарыбызга “Халык контроле” системасы турында мәгълүматлар ирештерелде.