Татарстан Республикасы Ведомстволары Татарстан Республикасы Дәүләт алкоголь инспекциясе

Легаль булмаган хәмер ташучылар – Кыргызстанда һәм ТР Сарман районының Җәлил бистәсендә яшәүче ир-атлар

2018 елның 26 гыйнвары, җомга

Яңа ел бәйрәмнәреннән соң Россия Эчке эшләр министрлыгы Баулы һәм Бөгелмә районнары буенча бүлекләренең полиция хезмәткәрләре ТР Дәүләт алкоголь инспекциясенең Әлмәт территориаль органы контрольлек-инспекция бүлеге белгечләре белән берлектә легаль булмаган хәмер ташучы тагын ике кешене “тотты”.

Казан – Оренбург юлының 364 нче чакрымында гражданин С.Т. Казарбаевның (Кыргызстан Республикасында яши) үз автомобилендә, Кыргызстан Республикасында җитештерелеп, Россия Федерациясе акциз маркалары белән маркировкаланмаган 21,95 литр күләмендә алкогольле продукция китерүе билгеләнде.

Бөгелмә-Уральск автомобиль юлының 7 нче чакрымында Татарстан Республикасының Сарман районы Җәлил бистәсендә яшәүче Д.В.Завьяловның шәхси машинасында да, Кыргызстан Республикасында җитештерелеп, Россия Федерациясе акциз маркалары белән маркировкаланмаган 195 литр күләмендә хәмер продукциясе табылды.

Әлеге хокук бозу Административ хокук бозулар турында Россия Федерациясе кодексының 15.12 статьясындагы 4 өлеше буенча җаваплылык тотуга китерә.

Татарстан Республикасы Дәүләт алкоголь инспекциясенең Әлмәт территориаль органы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

«Арзан» сәүдә үзәгендә ике ведомство белгечләре чара уздырды

Яр Чаллыдагы «Арзан» сәүдә үзәге эшмәкәрләре Яр Чаллы территориаль органы һәм Роспотребнадзор белгечләре белән очрашты. Даими очрашуда кулланучылар базарының актуаль мәсьәләләре, шул исәптән товарларны «Гадел билге» системасында маркировкалау, маркировкаланмаган товарларны исәптән чыгару кагыйдәләре һәм 2026 елдан маркировкада булачак үзгәрешләр турында фикер алыштылар.

Кулланучыга җиһаз әзерләүгә шартнамә төзү тәртибен аңлаттылар

Татарстан Республикасы Дәүләт алкоголь инспекциясенең Чистай территориаль органына шәһәр кешесе җиһаз әзерләүгә шартнамә төзү турындагы сорау белән мөрәҗәгать итте. Ир-ат шәхси эшмәкәр белән шәхси эскиз буенча кухня гарнитурын әзерләүгә килешү төзергә ниятләгән, ләкин башкаручының типовой килешүендә сату-алу килешүе күрсәтелгән.

март, 2026 ел

Баулыда алкоголь продукциясен законсыз сату факты ачыкланды

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Баулы районы буенча идарәсеннән тикшерү материалы килде. «Д» кибетендә шәхси эшмәкәр закон тарафыннан тыелган вакытта законсыз рәвештә 2 шешә алкоголь саткан һәм «гадел билге»системасына сату турында хәбәр итмәгән. Алкоголь әйләнешенең хокукый нигезләре 171-ФЗ номерлы Федераль закон белән билгеләнгән. Бозган өчен РФ КоАПның 14.16 маддәсе 3 өлеше (ваклап сату кагыйдәләрен бозган өчен) һәм 15.12.1 маддәсе (мониторинг системасына белешмәләр кертмәгән өчен) каралган.

март, 2026 ел

Max: дәүләт хезмәтләренә һәм штрафларга тиз керү

Хәзер дәүләт хезмәтләре күрсәтү барышы турында хәбәрнамәләр турыдан-туры Max мессенджерына килә. Дәүләт хезмәтләрендә гариза статусын белү тагын да җиңеләйде: хәбәрләр шәхси кабинетка гына түгел, ә Max дагы рәсми дәүләт хезмәтләре ботына да килә (ул зәңгәр галочка белән билгеләнгән).

ЯҢАЛЫКЛАРГА ЯЗЫЛУ