Этил спиртын ташу

2018 елның 12 гыйнварында полиция хезмәткәрләре Чүпрәле районында Цивильск – Ульяновск автомобиль юлының  131 нче чакрымында «Субару» маркалы машина багажнигында  100 мл сыешлы коңгырт төстәге пыяла савытларга тутырылган этил спиртына тап булган.

Автомобиль багажнигындагы спиртның гомуми күләме  240 литр тәшкил иткән ( катыргы тартмаларга тутырылган  2400 савыт).

Ульяновскида яшәүче әлеге машина йөртүченең аңлатмасына караганда, спиртны ул үзенә таныш булмаган берәүдән данәсен 12 сум 50 тиеннән (гомуми бәясе –  30000 сум) сатып алган.

Татарстан Республикасы Дәүләт алкоголь инспекциясенең Зеленодол территориаль органы хезмәткәре әлеге факт буенча административ хокук бозу турында эш кузгатты. Бу уңайдан административ тикшерү үткәрелә.