Кулланучыларның якланганлык дәрәҗәсе буенча Татарстан Республикасы беренче урында
Бүген кулланучыларның якланганлык дәрәҗәсе буенча Россия Федерациясе субъектлары рейтингының нәтиҗәләре игълан ителде. 85 субъект арасында Татарстан Республикасы беренче позицияне биләп тора.
Кулланучыларның якланганлык рейтингы – Россия кулланучылары берләшмәсе проекты. Бу – ике ел дәвамында төбәкләрдә кулланучыларның хокукларын яклау өлкәсендә дәүләт хакимияте органнары эшчәнлегенең нәтиҗәлелеген бәяләү өчен махсус тикшеренүләр уздыручы бердәнбер оешма. Рейтингның максаты – гражданнарга хокукый мәгълүмат җиткерү һәм консультацияләү системасын төзегәндә, халыкта кулланучылар базарында тотрыклы грамоталы тотыш күнекмәләрен формалаштыруда, кулланучы культурасын сеңдерүдә РФ субъектлары дәүләт хакимияте органнарының гамәли катнашу дәрәҗәсен билгеләү, әлеге системаның системалы һәм нәтиҗәле булуын бәяләү.
Әгәр 2010 елда Татарстан бу Рейтингта 37 нче урында булса, 2018 елда 85 субъект арасында – беренче урында.