Ательеда кулланучыга күлмәк тегү буенча сыйфатсыз эш башкарылган
Татарстан Республикасы Дәүләт алкоголь инспекциясенең Чистай территориаль органына Е. исемле гражданка күлмәк тегү турында шартнамә төзелгән ателье хезмәткәрләренең гамәлләренә шикаять белән мөрәҗәгать итте. Күлмәкне кулга алганнан соң ул анда җитешсезлекләр булуын күреп алган.
Кулланучыга "Кулланучыларның хокукларын яклау турында" РФ Законының 29 статьясы (алга таба – Закон) турында аңлатылды, аның нигезендә кулланучы башкарылган эшнең (күрсәтелгән хезмәтләрнең) кимчелекләре ачыкланганда, үз ихтыярына карап, түбәндәгеләрне таләп итәргә хокуклы:
- башкарылган эшләрнең (күрсәтелгән хезмәтләрнең) кимчелекләрен түләүсез бетерү турында;
- башкарылган эшнең (күрсәтелгән хезмәтнең) бәясен тиешенчә киметү турында;
- шундый ук сыйфатлы бертөрле материалдан башка төрле әйберне түләүсез нигездә әзерләү яки эшне кабат башкару турында. Шул ук вакытта кулланучы эшләрне башкаручы тарафыннан элегрәк әзерләнгән башкарылган әйберне аңа кире кайтарып бирергә тиеш.
- башкарылган эшнең (күрсәтелгән хезмәтнең) кимчелекләрен үз көче яки өченче затлар ярдәмендә бетерү өчен тотылган чыгымнарын каплау турында.
Шартнамәдә күрсәтелгән срокта башкарылган эшнең (күрсәтелгән хезмәтнең) җитешсезлеге бетерелмәсә, кулланучы эш башкару (хезмәт күрсәтү) турында шартнамәне үтәүдән баш тартырга һәм сарыфларны тулысынча каплауны таләп итәргә хокуклы. Башкарылган эштә (күрсәтелгән хезмәттә) җитди җитешсезлекләр ачыкланган булса яки шартнамә шартларыннан башкача тайпылышлар булуы билгеләнсә, кулланучы шулай ук эш башкару (хезмәт күрсәтү) турында шартнамәне үтәүдән баш тартырга хокуклы.
Законның 30 статьясы нигезендә эштәге (күрсәтелгән хезмәттәге) җитешсезлекләр башкаручы тарафыннан кулланучы билгеләгән тиешле срокта бетерелергә тиеш.
Югарыда бәян ителгәннәрдән чыгып, кулланучыга, дәгъва алынганнан соң 7 көн эчендә эштәге җитешсезлекләрне бетерүне таләп итеп, дәгъва проекты әзерләнде. Кулланучының таләпләре ирекле тәртиптә үтәлмәгән очракта, мәсьәлә судта хәл ителәчәк.