ТР Дәүләт алкоголь инспекциясенең Чистай территориаль органы хезмәткәрләре "Милләтләр кроссы" йөгерешендә катнашты
Күп еллар дәвамында Чистайда, бөтен Россиядәге кебек үк, "Милләтләр кроссы" россиякүләм йөгереш көне уза. Быел да искәрмә булмады.
2019 елның 21 сентябрендә, теркәлгәннән соң, 1 чакрымлык йөгереш аралыгын мәктәп укучылары ачып җибәрде. Спорт бәйрәмендә гомуми белем бирү оешмалары укучылары гына түгел, урта һәм югары уку йортлары студентлары да, эшче яшьләр дә, төрле яшьтәге һәм төрле һөнәр ияләре катнашты. Бу көнне йөгерештә катнашкан һәркем игътибар үзәгендә булды. Татарстан Республикасы Дәүләт алкоголь инспекциясенең Чистай территориаль органы хезмәткәрләре әлеге чарада актив катнашты.
Белгечләр йөгерүдә катнашып кына калмыйча, гражданнарның күпләп җыелуыннан файдаланып, кулланучыларның хокукларын яклый торган законнарны аңлату буенча күп кенә буклетлар таратты.