Предприятиеләрнең эш режимы турында мәгълүмат чынбарлыкка туры килергә тиеш
Дәүләт яисә муниципаль оешманың эш режимы башкарма хакимиятнең тиешле органнары яисә җирле үзидарә органнары карары буенча билгеләнә, ә башка төрле оешу-хокук формасындагы сатучы-оешманың, шулай ук шәхси эшкуарның эш режимы үзләре тарафыннан мөстәкыйль билгеләнә.
Үз эшчәнлеген вакытлыча туктатып торган очракта (пландагы санитар көннәрне үткәрү, ремонт һәм башка очракларда) сатучы сатып алучыга эшчәнлеген туктатып тору датасы һәм вакыты турында мәгълүматны үз вакытында бирергә тиеш.
Мәгълүмат җиткерелә торган тел дә зур әһәмияткә ия. Россия Федерациясендә мәгълүмат мәҗбүри рәвештә рус телендә, ә өстәмә, сатучының теләге буенча, Россия Федерациясе субъектларының дәүләт телләрендә һәм Россия Федерациясе халыкларының туган телләрендә җиткерелергә тиеш. Кулланучы өчен таныш булмаган телдә мәгълүмат бирү яки башка телдән дөрес тәрҗемә итмәү мәгълүмат бөтенләй юк дигәнне аңлата.
Административ хокук бозулар турында РФ кодексының 14.15 статьясы нигезендә предприятиенең эш режимын бозган өчен товарларның аерым төрләрен сату кагыйдәләрен бозгандагы кебек административ җаваплылык каралган.