Чистай районында Бөтендөнья кулланучылар хокукларын яклау көненә багышланган чаралар үткәрелде
Татарстан Республикасы Дәүләт алкоголь инспекциясенең Чистай территориаль органы белгечләре, Роспотребнадзорның Татарстан Республикасындагы территориаль идарәсе белгечләре белән берлектә, 2020 елның 12 нче мартында Бөтендөнья кулланучылар хокукларын яклау көненә багышланган чаралар комплексын үткәрде.
Көннең беренче яртысында белгечләр гражданнарга кулланучыларның хокукларын яклау мәсьәләләре буенча күчмә консультация оештырды һәм Татарстан Республикасы Чистай муниципаль районының Кубас төп гомуми белем бирү мәктәбенең тугызынчы сыйныф укучылары өчен кулланучы белеме нигезләре буенча сыйныфтан тыш дәрес оештыруда катнаштылар.
Көннең икенче яртысында Чистай муниципаль районы Башкарма комитеты белгече катнашында Чистай районының «КФҮ» ДБУда кулланучыларның хокукларын яклау турындагы законнарны аңлату буенча шәһәр халкы өчен консультация өстәле оештырылды.
Шәһәр һәм район халкына 1962 елның 15 мартында АКШ конгрессында АКШ президенты Джон Кеннеди чыгышыннан соң тарихка кереп калган Бөтендөнья кулланучылар хокукларын яклау көненең барлыкка килү тарихы турында сөйләделәр, ул вакытта беренче тапкыр «кулланучы» төшенчәсе турында билгеләмә бирелә. Бөтендөнья кулланучылар хокукларын яклау көне 2020 елның 15 мартында «Рациональ кулланучы» шигаре астында узачак, димәк, һәр кулланучыга товарлар һәм хезмәтләр күрсәтүдән җаваплы файдалану принципларын үтәргә кирәк.
Чаралар барышында кулланучыларга һәм хуҗалык итүче субъектларга кулланучыларның хокукларын яклау тематикасы буенча үзлектән танышу һәм белем алу өчен буклетлар тапшырылды.