Татарстан Республикасы Ведомстволары Татарстан Республикасы Дәүләт алкоголь инспекциясе

“Росалкогольрегулирование” аракы, коньяк һәм брендига яңа минималь бәяләр билгеләде

2012 елның 29 декабре, шимбә

“Росалкогольрегулирование” боерыгы нигезендә, 2013 елның 1 гыйнварыннан ваклап сатуда ярты литр аракының минималь бәясе 170 сум торачак.

2012 елның 1 июленнән билгеләнгән элеккеге минималь бәясе исә ярты литрлы шешә өчен 125 сум тәшкил итә иде.

2013 елның 1 гыйнварыннан җитештерүченең товарны җибәрүнең минималь бәясе бер литрлы шешә өчен 132 сум, күпләп сатуда – 138 сум булачак. Моңа кадәр бу бәяләр 99 һәм 109 сум күләмендә тәшкил итте.

Шулай ук коньякка да минималь ваклап сату бәясе билгеләнде – ярты литры өчен 280 сум. Җитештерүченең товарны җибәрүнең минималь бәясе 220 сум, ә күпләп сатуда – 230 сум. Хәзерге вакытта коньякны җибәрүнең минималь бәясе җитештерүче өчен ярты литрлы шешәгә 174 сум, күпләп сату өчен – 191 сум, ваклап сату өчен – 219 сум тәшкил итә.

Яңа елдан ярты литрлы шешәдәге брендиның минималь бәясе 250 сум булачак. Җитештерүчедә брендиның бәясе кимендә 196 сум, күпләп сатуда – кимендә 205 сум тәшкил итәчәк. Хәзерге вакытта брендиның минималь бәясе –190 сум, дип хәбәр итә РБК.

“Бәя артуның сәбәбе шунда: 2013 елның 1 гыйнварыннан сусыз этил спиртының 1 литры 400 сум торачак. Хәзергә ул – 30 процентка кимрәк”, – дип билгеләп үтелә ведомствода.

“Росалкогольрегулирование”дә искәртеп үтелгәнчә, минималь бәяне исәпләү продукция җитештерүчеләрдән сорашып-белешүгә нигезләнеп хәл ителгән. “Бу юлы без эре җитештерүчеләрне генә түгел, барлык җитештерүчеләрне сораштырдык. Өстәвенә күпләп сатучыларга һәм бренд хуҗаларының күпчелегенә запрослар җибәрдек”, – дип хәбәр иткән ведомство вәкиле.

http://www.alconews.ru/russia/2012/12/22948.php

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Ютазы районында кулланучылар хокукларын яклау

Ютазы районында кулланучылар хокукларын яклау дәрәҗәсен арттыру һәм эчке базарны үстерү буенча комплекслы чаралар узды. Анда Әлмәт территориаль органы башлыгы Миләүшә Михеева һәм эчке базарны үстерү һәм координацияләү бүлеге башлыгы Венера Шәрәфетдинова катнашты.

Мамадыш районында кулланучылар грамоталылыгы

Яр Чаллы территориаль органы белгечләре Мамадыш районында күчмә мәгълүмати-агарту чарасы уздырдылар. Очрашу кысаларында эчке базарны үстерү һәм координацияләү бүлеге хезмәткәрләре җирле халыкка һәм эшмәкәрләргә Кулланучылар хокукларын яклау мәсьәләләре буенча консультацияләр бирделәр. Визитның төп максаты-халыкның хокукый грамоталылыгын арттыру һәм кулланучылар базарында үз-үзеңне дөрес тоту күнекмәләрен формалаштыру.

Белгечләр кибет сатучылары өчен укыту семинары үткәрделәр

Профилактика чаралары кысаларында Татарстан Республикасы Дәүләт алкоголь инспекциясенең Чистай территориаль органы һәм Татарстан Республикасы буенча Роспотребнадзор ҖЧҖ белгечләре Алексеевск бистәсендә «Пятерочка» кибете хезмәткәрләре өчен семинар үткәрделәр.

апрель, 2026 ел

Буа районының Әлшәй мәктәбендә Кулланучылар хокукларын яклау буенча дәрес узды

Яшел Үзән территориаль органы һәм Роспотребнадзор белгечләре мәктәп укучылары өчен кулланучылар хокуклары турында семинар үткәрделәр. Укучылар товарны ничек алыштырырга, сыйфатсыз сатып алуны кире кайтарырга һәм онлайн-заказлар вакытында үз мәнфәгатьләрен якларга белделәр. «Честный ЗНАК» мобиль кушымтасы аша товарларны тикшерүгә аерым игътибар бирделәр. Соңыннан балалар викторинада катнаштылар һәм тематик буклетлар һәм «Вестник потребителя Татарстана» газетасын алдылар.

ЯҢАЛЫКЛАРГА ЯЗЫЛУ