Тиешле сыйфатлы савыт-сабаны кире кайтарып яки алмаштырып буламы?

22 май 2020 ел., җомга

Бу мәсьәләне хәл итүдә барысы да савыт-саба эшләнгән материалдан тора. Ни өчен материал шулай мөһим?

Эш шунда ки, РФ Хөкүмәтенең 19.01.1998 ел, № 55 карары  белән расланган “Күләме, форма, габарит, фасон, төсе яки комплектациясе туры килмәгән азык-төлек булмаган товарлар Исемлеге” (алга таба Исемлек) гамәлдә.

Исемлекнең 6 пунктында «Тулысынча яки өлешчә полимер материаллардан әзерләнгән азык-төлек продуктлары  өчен кулланыла торган (азык-төлек продуктларын саклау һәм күчереп йөпртү өчен кулланыла торган савыт-саба һәм төрү материаллары (шул исәптән бер тапкыр куллану өчен)" күрсәтелгән.

Анда аңлатылганча, тулысынча яки өлешчә полимер материаллардан җитештерелгән тиешле сыйфатлы савыт-саба кире кайтарылмый яки алыштырылмый. Полимер ул пластик. Һәм, әйтик, кастрюльнең тоткычлары  пластиктан эшләнгән икән, аны кире кайтарып булмый дигән сүз.

Пыяла, керамик һәм металлдан эшләнгән савыт-сабаны, тиешле сыйфатларга ия  булса да, аны кире кайтарырга яки алмаштырырга мөмкин.

«Кулланучылар хокукларын яклау турында»гы 07.02.1992 ел, № 2300-1 Россия Федерациясе Законының 25 статьясы 1 пункты (алга таба Закон) нигезендә, сатып алучының, күләме, габариты, фасоны, төсе яки комплектациясе туры килмәгән очракта, тиешле сыйфатлы товарны алмаштыру яки кире кайтару хокукы бар.

Моныңөчен түбәндәге таләпләр үтәлергә тиеш:

* Сатып алганнан соң 15 көн дәвамында;

* Товар кулланышта булмаган, аның товар төре һәм куллану үзлекләре сакланган;

• Фабрика пломбалары һәм ярлыклары сакланган;

Әгәр бу таләпләр үтәлсә, Законның 25 статьясындагы 2 пункты нигезендә товарны алмашу һәм кире кайтару мөмкин.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International