Саба районы Арташ авыл җирлегендә халык белән очрашу узды
Арча территориаль органы хезмәткәрләре тарафыннан даими рәвештә гражданнарны күчмә кабул итүләр үткәрелә. Чираттагы очрашу 2020 елның 9 июнендә Саба муниципаль районы Арташ авылында узды. Гражданнарны Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров кабул итте.
Кабул итү барышында гражданнарга «Кулланучылар хокукларын яклау турында» РФ Законы нигезендә үз хокукларын тормышка ашыру тәртибе, шул исәптән РФ Хөкүмәтенең 19.01.1998 ел, №55 карары белән расланган товарларның аерым төрләрен сату Кагыйдәләре аңлатылды.
Кабул итүдә авыл халкы катнашты, һәм сораулар, нигездә, сәүдә өлкәсенә кагылышлы иде. Халыкны кулланучы хокуклары кызыксындыра: техник яктан катлаулы көнкүреш товарлары, сыйфатсыз азык-төлек товарлары сатып алганда, гарантия ремонтын үткәрү сроклары турында, сыйфатлы товар сатып алу максатыннан кирәкле мәгълүмат булу турында һ. б. лар.
Чара барышында «Кулланучы өчен белешмәлек» буклетлары һәм «Вестник потребителя Татарстана» газетасы өләшенде.