Халык арасында сыр турында сораштыру нәтиҗәләре
Хәзерге вакытта сыр россиялеләр тарафыннан еш кулланыла торган «унлыкка» кергән продуктларның берсе булып тора. Сыр составында бик күп аксым (18-25%) бар, ул сыр сортына карап аерыла, шуңа күрә ул кеше организмы өчен бик кирәк. Бүгенге көндә гипермаркетлар киштәләрендә 700гә якын сыр төрен күрергә мөмкин, әмма безнең илдә яшәүче һәр кеше диярлек берничә төргә өстенлек бирә. Шуңа күрә сырларны куллану өстенлекләрен өйрәнү актуаль булып тора.
Татарстан Республикасы Арча муниципаль районы сайтында сырлар буенча халык арасында сораштыру үткәрелде. Нәтиҗәдә, сораштырылучыларның күбесе сырны аена 2-3 тапкыр сатып алуы ачыкланды, аларның гомуми саны38%. 30% ы сырны атнага бер тапкыр сатып ала. 26% - атнага 2-3 тапкыр, 6% - айга 1 тапкыр.
“Сырның нинди төрен сатып аласыз?” дигән сорауга, сораштыруда катнашучыларның 42% ы каты вариантын сайлаган, 42% ы – ярым-каты, 9% ы плавленный сырга өстенлек бирә, 5% ы күгәрекле сырны сатып ала, 1әр% ы тозлы һәм ысланган сырларга туры килә.
Сатып алынган сыр күләменә килгәндә, сораштырылучыларның 15% ы гына 500 грамм порцион савыттагы продуктка өстенлек бирә, 26% ы 400 грамм сыр алуны өстен күрә, 17% ы 250 граммлы сырны сатып ала һәм күбесе, ягъни 42% ы - 200 граммга кадәрле сыр сатып алу турында җавапның башка вариантын тәкъдим итте.
Нигездә, сырның сыйфаты, бәясе, җитештерү маркасы һәм майлылыгына игътибар итеп алына.