Сыра сезоны кызган чакта
Эссе җәйге һава торышы тотрыклы саклана, димәк, бакча сезоны дәвам итә. Булдыклы сәүдәгәрләр моннан файдаланып, бакчачылык ширкәтләре территорияләрендә сыра нокталары ача башладылар. Шул ук вакытта еш кына эшчәнлек алып баручы эшкуарларны идентификацияләү турында төрле мәгълүмат, шулай ук сыра продукциясенең тәкъдим ителгән ассортиментына озату документлары юк.
Шулай итеп, 2020 елның 20 июлендә Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре Яшел Үзән районының Октябрьский поселогы территориясендә урнашкан шундый сәүдә объектларының берсендә 83 литрдан артык сыра һәм сыра эчемлекләрен тартып алдылар, ул товар озату документларыннан башка, шулай ук БДАМС системасында әлеге алкогольле продукцияне теркәмичә генә сатылган.
Эшмәкәргә беркетмә төзүгә килү турында хәбәр ителде. Материаллар хокук бозучыны административ җаваплылыкка тарту һәм алкогольле продукцияне тартып алу мәсьәләсен хәл итү өчен судка җибәреләчәк.
Бу юнәлештә эш дәвам итә.