Кибеттә кулланучылар хокукларын яклау өлкәсендә законнарны аңлату буенча консультация өстәле оештырылды
2020 елның 23 июлендә Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре Чистай шәһәренең «Семья» кибетендә кулланучылар хокукларын яклау турында законнарны аңлату буенча кулланучылар өчен консультация өстәле оештырды.
Кибет товарларның сәнәгать төркемен сата. Сатыла торган товарларның ассортименты бик зур. Бу уңайдан кибет шәһәр һәм район халкы тарафыннан хөрмәткә лаек.
Нигездә, сатып алучыларны алдан түләнгән җиһазларны китерү тәртибе, китерү сроклары, җиһазларның сыйфаты һәм башкалар кызыксындырды.
Кулланучыларга җиһазларны ваклап сату буенча закон нормалары, шул исәптән РФ Граждан кодексының 480 статьясы (комплектлы булмаган товарны тапшыру нәтиҗәләре), «Кулланучылар хокукларын яклау турында» РФ Законы, товарларның аерым төрләрен сату Кагыйдәләре аңлатылды. «Кулланучылар хокукларын яклау турында» РФ Законының 23.1 маддәсен (сатучының алдан түләнгән товарны кулланучыга тапшыру вакытын бозу нәтиҗәләре) җентекләп карадылар. Моннан тыш, күләме буенча туры килмәгән сыйфатлы җиһазларны алыштыру мөмкинлеген карадылар.
Чара барышында сатып алучыларны кызыксындырган барлык сорауларга җаваплар бирелде.