15 март – Бөтендөнья кулланучылар хокукларын яклау көне

2013 елда Бөтендөнья кулланучылар хокукларын яклау көненең төп темасы – “Бүген кулланучылар хокукларын гадел яклау” (“Consumer Justice Now!”) Халыкара кулланучылар оешмалары федерациясе – Consumer International (CI), 2013 елда Бөтендөнья кулланучылар хокукларын яклау көненә әнә шундый теманы сайлап, үзенең әгъзалары һәм тарафдарлары игътибарын кулланучылар хокукларын һәм гражданнарның законлы мәнфәгатьләрен яклауның хокукый механизмнарын камилләштерү мәсьәләләренә юнәлдерүгә чакыра.

Кулланучылар хокукларын һәм мәнфәгатьләрен тагы да үтемлерәк һәм нәтиҗәлерәк яклау өчен хокукый һәм оештыру механизмнарын камилләштерүнең көн кадагына аеруча нык сугуы бүгенге дөньяда илләр арасында төрле яклы элемтәләрнең ыргылышлы төстә глобаль үсүе процессларына бәйле. Хокукларны яклауны камилләштерү, кулланучылар хокукларын яклау буенча кулланучылар хокукларын яклауның конкрет интернациональ өлкәләрендә (финанс, коммуналь хезмәте күрсәтүләр, халыкара туризм, пассажирлар ташу хезмәте күрсәтүләр һ.б) гамәли бурычларны хәл итәргә тиешле, елдан-ел әһәмиятлерәк була барган яңа механизмнарны эшләү   – бөтен дөнья бергәлеге эше.

Шуңа күрә Бөтендөнья кулланучылар хокукларын яклау көне темасы очраклы гына сайланмаган, һәм ул бу өлкәдә төп халыкара актны – Кулланучылар хокукларын яклауның төп принципларын (БМО Генераль ассамблеясе тарафыннан 1985 елның 9 апрелендә кабул ителгән, соңгы үзгәрешләр 1999 елда кертелгән) актуальләштерү (бу эш хәзерге вакытта ЮНКТАД (БМОның сәүдә һәм үсеш буенча конференциясе) эшчәнлеге кысаларында башланып китте) белән турыдан-туры бәйле.

Шул ук вакытта шуны да истән чыгарырга ярамый: кулланучылар хокукларын яклау өлкәсендә көчле дәүләт сәясәтен фәкать җәмгыятьнең үз көчләрен бер йодрыкка туплау очрагында гына үткәрергә мөмкин.

Шул сәбәпле Бөтендөнья кулланучылар хокукларын яклау көне темасы кулланучыларның аң-белемнәрен арттыру, гражданнарга дәүләт һәм җәмәгатьчелек тарафыннан кулланучылар хокукларын яклауның иң мөһим механизмнары, халыкның үз хокукларын яклау буенча зур мөмкинлекләре турында җиткерү максатында, гражданнар игътибарын бу өлкәдәге проблемаларга юнәлдерүгә ярдәм итәргә тиеш.

Татарстан Республикасы Дәүләт алкоголь инспекциясе хезмәткәрләре, Бөтендөнья кулланучылар хокукларын яклау көне кысаларында, шулай ук Татарстан Республикасы Министрлар Кабинетының 29.09.2012 ел, №814 карары белән расланган “2013-2015 елларга Татарстан Республикасында кулланучылар хокукларын яклауның комплекслы системасын үстерү” озак сроклы максатчан программасын үтәү максатыннан чыгып, кулланучылар хокукларын яклау өлкәсендә законнарны үтәүне, кулланучылар буларак, халыкның аң-белемен арттыруны тәэмин итү йөзеннән, чаралар комплексы үткәрәчәк.