Хезмәт ветераннары өчен пансионатта гадәти булмаган очрашу узды
Өлкәннәр өчен даими үткәрелә торган агарту эшләре, лекцияләр һәм семинарлар, «консультация өстәлләре» кулланучылар буларак аларның хокукларын бозуга бәйле проблемаларны хәл итәргә мөмкинлек бирә.
Татарстан Республикасы Дәүләт алкоголь инспекциясенең Яр Чаллы территориаль органы белгечләре, вирус пандемиясе белән бәйле рәвештә, бөтен кешелек өчен җиңел булмаган вакытта, Яр Чаллы шәһәре һәм якын - тирә районнардагы хезмәт ветераннары өчен эшләүче пансионатта ял итүчеләр белән гадәти булмаган форматта - саф һавада очрашу үткәрде.
Чара барышында өлкәннәрнең игътибарын короновируслы пандемия вакытында ешайган мошенниклыкның төп төрләренә юнәлттеләр.
Мошенниклар һава чистарткычын сатып алырга тәкъдим итә, янәсе, ул вирусны куып тарата, сату бәясе нык арттырылган булырга мөмкин, хәер, мондый чараларның нәтиҗәлелеге исбатланмаган; янәсе, эпидемиядән ярдәм итүче биологик актив кушылмалар; танылган һәм ышанычлы җитештерүчеләрдән яклау чаралары тәкъдим итәләр, кулланучдан акча алганнан соң, товар китерелмәскә дә мөмкин. Шулай ук, мошенниклар өйдә бушлай тест яки коронавируска каршы вакцинация үткәрергә тәкъдим итәләр.
Лекция җанлы формада үтте, ял итүчеләрне бүгенге көндә актуаль булган сораулар кызыксындырды:
- сыйфатсыз медикаментлар һәм азык-төлек сатып алганда нишләргә?
- яраклылык вакыты чыккан дару препараты сатып алынган очракта нишләргә? Шулай ук ялгыш сатып алынган дару препаратларын алыштыру мөмкинлеге булмау мәсьәләсе дә күтәрелде.
Бүлек белгечләре кулланучылар базары өлкәсенә кагылышлы барлык кызыксындырган сорауларга җаваплар бирделәр. “Кайнар линия” телефоны (71-43-03) белән таныштырдылар.
Очрашу ахырында чарада катнашучыларга «Вестник потребителя Татарстана» газеталары, ТР Дәүләт алкоголь инспекциясе тарафыннан эшләнгән товарлар һәм хезмәтләр турында төрле мәгълүмат тупланган брошюралар һәм буклетлар өләшенде.