Бу – кызык!

2013 елның 12 феврале, сишәмбе
10 урын: Зур арба = зур чыгым. Кулланучы, кибеттә үзенә кирәкле әйберләр тутыру өчен зур арба алгач, буш килеш йөрү уңайсыз, дип, аны тизрәк тутырып кую ягын карый.
9 урын: Кием-салым кибетләрендә зур көзгеләр. Тикмәгә генә куелмый алар. Көзге яныннан үткәндә, йөз-кыяфәтенә күз ташлап алу теләге кемдә генә тумый икән?! Ә гәүдә-сыныннан, йөз-кыяфәтеннән 100 процентка канәгать булган кешене, бар, табып кара! Менә шуңа, көзгегә карагач,         кеше рәтенә керү өчен кичекмәстән берәр нинди әйбер  сатып алырга кирәк, дигән уй туа да инде.
8 урын: 100 сумлык бер футболка белән 299 сумлык өч футболка арасында бернинди аерма юк! 200 сумны юкка исраф итәбез. Бары шул гына.
7 урын: Сатып алучыларны касса юлында чын мәгънәсендә киртәләр сагалап тора. Әле тегендә, әле монда үтемле товарлар тутырылган зур тартмаларга юлыгып кына торабыз ич! Сатып алучыга юл өстенә куелган товарны алмый китмәүнең авыр булуын белмәскә сатучылар юләр түгел ләбаса!
6 урын: Иң кирәкле ризыклар – сөт, икмәк, сырны гадәттә кибетнең иң түрдәге почмакларына урнаштыралар. Һәрбарчабызга кирәк ашамлыклар, әлбәттә. Әмма алар янына барып җиткәнче, урау юллар узып һәм бик күп әйберләр күреп, арбаны шыплап тутырганыбызны үзебез дә сизми калабыз.
5 урын: Кием-салым кибетенә кергәч, матур итеп өеп куелганнарына түгел, нигәдер аннан-моннан гына элгечләргә эленгән кием-салымнар янына атлыйбыз. Безнең өчен иң кирәклесе, иң матуры, иң затлысы нәкъ менә шундадыр кебек тоела. Кием элгечләрендәге “аннан-моннан”ны кибетчеләрнең үзләре үк оештыруы башыбызга да кереп карамый.
4 урын: “Финальные распродажи”, “полные ликвидации”, “скидки в связи с открытием магазина” дигән “канатлы” сүзләрне кайсыбызның гына ишеткәне юк икән?! Белеп торыгыз: кибетләрнең үтемсез товардан котылу омтылышы гына бу (әйтергә кирәк, мондый акцияләрнең нәтиҗәсе булмый калмый).
3 урын: Кибетләр һәм рестораннар ризыкларының хуш исләре белән клиентларының аппетитын кузгата. Кулланучыларның ашказанын бигрәк тә яңа пешеп чыккан камыр ризыклары  һәм кофе “котырта”.
2 урын: Балалар товарларын һәрвакыт иң аскы киштәләргә урнаштыралар. Чираттагы “Киндер-сюрприз” өчен тавыш чыгуны теләмәсәгез, сабыегызны арбага утыртып йөрегез.
1 урын: Шөкер, кирәкмәс әйберләр җыймадым, ахры, дип касса янында “туарылып” китмәгез! Күз алдыгызда сагыз, гәҗит, батарея, шоколад, тагын әллә нәрсәләр бар ич әле! Игътибар беләнрәк карасагыз, касса янындагы товар бәясенең залдагы товарныкыннан берникадәр аерылуын күрерсез. Әлбәттә инде, сезнең һәм безнең файдага түгел – кибет файдасына.
http://bibo.kz/interesno/580782-lovushki-dlya-pokupateley.html
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
ВЕДОМСТВО ТУРЫНДА
ДОКУМЕНТЛАР
МАТБУГАТ ХЕЗМӘТЕ
ГРАЖДАННАР МӨРӘҖӘГАТЬЛӘРЕ
Адрес: Казан шәһәре, Һ.Такташ урамы, 94
Телефон: +7 (843) 278-92-00
Факс: +7 (843) 278-91-92
E-Mail: gosalcogol@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International