Питрәчтә дегустация булды

2013 елның 6 мартында Питрәч район үзәгендә Бөтендөнья кулланучылар хокукларын яклау көненә, шулай ук  язның беренче бәйрәме – Халыкара хатын-кызлар көненә багышланган чаралар кысаларында сәүдә ярминкәсе һәм “Татспиртпром” ААҖ продукциясенең күргәзмә-дегустациясе үткәрелде.

Кулланучылар дегустациясендә “Царь кедр”, “Тундра”, “Старая Казань”, “Граф Ледофф” аракылары җыелмасы, “5 звездочек” коньягы, “Бугульма” бәлзәме, “Лавмикс” шәраб коктейле, “Доктор Перцефф” әче төнәтмәсе һәм башка шәраб-аракы үрнәкләре тәкъдим ителде. Продукциянең барысы да шактый ук зур ташламалы бәяләрдән сатылды.

Ярминкәгә килгән халык җитештерүченең вәкиленә, шулай ук Татарстан Республикасы Дәүләт алкоголь инспекциясе хезмәткәренә үзләрен кызыксындырган сораулар бирде. Дәүләт алкоголь инспекциясе хезмәткәре аерым алганда, конкрет аракы-шәраб продукциясе мисалында алкогольле продукциянең легальлеген ничек тикшерергә икәнен өйрәтте, сәламәтлеккә зыян китермәс өчен һәм дә суррогатка юлыкмас өчен, аны сайлау буенча киңәшләрен бирде, алкогольле продукцияне сату кагыйдәләрендәге үзгәрешләр турында сөйләде.

Кулланучылар күргәзмә барышында тәкъдим ителгән продукциянең сыйфатын югары бәяләде.

Күргәзмә “Татспиртпром” ААҖ ассортименты белән таныштыру һәм җирле продукцияне алкоголь базарында таныту өчен менә дигән мөмкинлеккә әйләнде.