Бөтендөнья кулланучылар көне алдыннан халык арасында сорашып белешү уздырылды

Бөтендөнья кулланучылар көне алдыннан халык арасында сорашып белешү уздырылды. Анкета сораулары халыкның башлыча “Кулланучылар хокукларын яклау турында” Законны һәм Товарларның аерым төрләрен сату кагыйдәләрен ни дәрәҗәдә белүләрен ачыклау максатыннан эшләнде. Анкета чарасы ТР Дәүләт алкоголь инспекциясенең Әлмәт территориаль органына гражданнардан көн саен алына торган шикаятьләр һәм гаризалардан чыгып уздырылды. Чара нәтиҗәләреннән күренгәнчә, сорашып белешүдә катнашучыларның асылда барысы да диярлек, кулланучылар буларак, хокукларының закон тарафыннан яклануын, шулай ук килеп туган проблемаларны хәл итү өчен ТР Дәүләт алкоголь инспекциясенә мөрәҗәгать итү мөмкинлегенә ия булуларын белә.

Торак-коммуналь хуҗалык өлкәсендә шикаятьләр саны арта. Хәзерге вакытта торак-коммуналь хезмәтләр өчен түләүнең аларны күрсәтү сыйфатына туры килмәве ап-ачык күренеп тора. Әлеге хезмәтләрне кулланучыларның үз хокукларын һәм бурычларын белү дәрәҗәсенең әлләни зур булмавы ачыкланды. Кулланучылар арасында, торак-коммуналь хезмәтләрнең сыйфаты һәм уңайлыгына ни дәрәҗәдә канәгать булуларын ачыклау йөзеннән, анкета үткәрелде. Сорашып белешүдә катнашкан кулланучыларның яртысы “квартплата” һәм коммуналь хезмәтләр өчен түләү күләменең гаиләләре бюджетының 20 проценттан артыграгын тәшкил итүен белдерде. Сорашып белешүдә катнашучыларның 94 процентының үз йортларына кайсы торак-эксплуатация хезмәте күрсәтүен белүе – сөенеч түгел, чөнки кулланучыларга үзенең “баш авыртулары” белән ЖЭУга еш мөрәҗәгать итүләре турында сөйли бу. Кулланучыларга су белән тәэмин итү, җылылык бирү, гомуми файдаланудагы урыннарны ремонтлау мәсьәләләре буенча бигрәк тә еш мөрәҗәгать итәргә туры килүе ачыкланды. Сорашып белешүдә катнашучыларның 65 проценты соңгы өч елда күрсәтелә торган хезмәтләрнең җитешсезлегенә борчылып ЖЭУга мөрәҗәгать иткән. Респондентларның 42 проценты хезмәтләрнең күрсәтелмәве яки аларның сыйфатсыз булуы сәбәпле актлар төзү турында таләпләр белән ЖЭУга барган. Мөрәҗәгать итүчеләрнең 30 процентына акт төзүдән баш тартканнар. Сорашып белешүдә катнашучыларның 60 проценты халыктан “гомуми файдаланудагы урыннарны карап тоту һәм төзекләндерү” өчен алына торган средстволар хисабына нинди эшләр башкарылырга тиешлеген белми.

Кулланучылар, торак йортларга хезмәт күрсәтү системасының нормаль эшләвенә нәрсә комачаулый, дигән сорауга түбәндәгеләрне билгеләп үткән: средстволар чыгымнарына халык контрольлеге булмау (42 проценты), хезмәтләр күрсәтүгә бәяләрнең хезмәтләр күрсәтү сыйфатына туры килмәве (28 процент), ЖЭУның начар эшләве (8 процент), илдәге гомуми вәзгыять, бюрократизм (13 процент).