Легаль булмаган хәмергә – бульдозер

2013 елның 4 апрелендә ТР Дәүләт алкоголь инспекциясе, Росимущество”ның ТРдагы  төбәк идарәсе, “Роспотребнадзор”ның ТРдагы идарәсе, ТР буенча Эчке эшләр министрлыгының Икътисадый иминлек һәм коррупциягә каршы көрәш идарәсе вәкилләре составындагы комиссия, 2013 елның 28 мартында арест салынган, тартып алынган һәм дәүләт милкенә әйләндерелгән этил спиртын, алкогольле һәм спиртлы продукцияне куллану өлкәсендә дәүләт органнары һәм оешмалар эшчәнлеген координацияләү буенча Татарстан Республикасы Ведомствоара комиссиясе карарларын үтәү йөзеннән, алкогольле һәм спиртлы продукция партиясен юкка чыгарды.

– алкогольле продукцияне лицензиясез генә сату;

–алкогольле продукцияне тиешенчә рәсмиләштерелмәгән документларсыз гына сату;

– өй шартларында җитештерелгән алкогольле продукция (самогон) сату.

Юкка чыгарылган алкогольле продукциянең күпчелек өлеше –“Афина-Казан” җаваплылыгы чикләнгән җәмгыятенеке: 2012 елның азагында әлеге ҖЧҖдә тиешле лицензиясе булмаган алкогольле продукциянең сатуга чыгарылуы ачыкланды.

Контрольлек итүче органнарның алкогольле продукция сыйфатына дәгъвалары булмауга карамастан, аның легаль булмаган әйләнешкә килеп эләгүе судка продукцияне конфискацияләү турында карар кабул итү мөмкинлеге бирде.

Алкогольле продукцияне лицензиясез сату буенча тайгак эшчәнлек юлына басарга теләүче башка хуҗалык итүче субъектлар өчен сабакка әйләнергә тиеш бу.