План буенча кизү тору
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге белгече, Биектау районы башкарма комитеты вәкилләре белән берлектә, 2021 елның 26 мартында Татарстан Республикасында дәүләт һәм муниципаль хезмәтләр күрсәтүнең күпфункцияле үзәгендә (Биектау авылы, Полковая урамы, 9 йорт) кизү торды.
Кулланучылар кулланучыларның хокукларын яклау һәм сәүдә кагыйдәләрен үтәү өлкәсендә гамәлдәге законнарны үтәү мәсьәләләренә кагылышлы сорауларга тулы җаваплар һәм консультацияләр алды.
Катнашучыларга кулланучыларның хокукларын яклау өлкәсендәге мөнәсәбәтләрне җайга сала торган законнар һәм норматив актлар : «Кулланучыларның хокукларын яклау турында» 1992 елның 7 февралендәге 2300-1 номерлы РФ Законының төп нигезләмәләре, РФ Хөкүмәтенең «Ваклап сату-алу килешүе буенча товарлар сату кагыйдәләрен, товарны ремонтлау яки алмаштыру чорына шундый ук куллану үзлекләренә ия булган товарны түләүсез нигездә биреп тору турында кулланучы таләбе кагылмый торган, озак файдаланудагы товарлар исемлеген һәм алмаштырылырга тиешле булмаган, тиешле сыйфаттагы азык-төлек булмаган товарлар исемлеген раслау турында, шулай ук Россия Федерациясе Хөкүмәтенең кайбер актларына үзгәрешләр кертү хакында» 2020 елның 31 декабрендәге 2463 номерлы карары белән расланган Россия Федерациясендә халыкка көнкүреш хезмәтләре күрсәтү кагыйдәләренең төп нигезләмәләре турында мәгълүмат җиткерелде.
Кулланучыга шәхси эшкуар һәм күрсәтелә торган хезмәтләр турында кирәкле мәгълүмат бирү; килешү (квитанция) рәсмиләштерү; товарга түләү тәртибе; товарның кимчелекләрен ачыклаганда кулланучының хокуклары; сатып алучыдан дәгъваларны кабул итү һәм аларны карау чорына кагылышлы мәсьәләләр дә каралды.
Чарада катнашучыларга кулланучыларның шикаятьләрен һәм мөрәҗәгатьләрен карау тәртибе, сатып алучылар өчен сатучы, товарлар һәм күрсәтелә торган хезмәтләр турында кирәкле мәгълүмат булдыру, түләнгән товар яки күрсәтелгән хезмәт өчен товар чеклары бирү, кайтавазлар һәм тәкъдимнәр китабын бирү турындагы таләпләр аңлатылды.
Кулланучыларның хокукларын яклау буенча сораулар килеп туган очракта, мөрәҗәгать итү өчен координатлар бирелде.
Кулланучыларның хокукларын яклау өлкәсендәге мәсьәләләрне хәл итү турында мәгълүмат урнаштырылган түләүсез басма продукция таратылды.