Спартакиада кысаларында шахмат буенча ярышлар узды

2021 елның 5 апреле, дүшәмбе

3-4 апрельдә шахмат буенча Татарстан Республикасы Дәүләт хезмәткәрләре Спартакиадасы булып узды. Ярышлар Р. Г.Нәҗметдинов исемендәге шахмат мәктәбендә узды. Татарстан Республикасы Дәүләт алкоголь инспекциясе хезмәткәрләреннән торган 4 кешелек команданы җитәкче урынбасары Рөстәм Арсланов җитәкләде. Ярыш нәтиҗәләре буенча Татарстан Республикасы Дәүләт алкоголь инспекциясе командасы 32 команда арасында 10 урында.

Спартакиада ел саен физик культура үсеше өлкәсендә эшне камилләштерү, Татарстан Республикасы дәүләт хакимияте органнары һәм Татарстан Республикасы дәүләт органнары аппаратлары хезмәткәрләрен системалы рәвештә спорт белән шөгыльләнүгә җәлеп итү, сәламәт яшәү рәвешен формалаштыру максатыннан үткәрелә.