Кулланучылар игътибарына: электр чәйнеген сайлыйбыз
1. «Тактиль» контакт булмаган килеш, онлайн сатып алу.
Онлайн сатып алу еш кына арзангарак төшәргә мөмкин, әмма, беренче чиратта, чәйнекне үз күзләрең белән күрергә, ә иң мөһиме – кулда тотып карарга кирәк.
Чәйнек – куркыныч тудыручы әйбер, шул исәптән, электр ягыннан да (шуңа күрә бернинди базарлар да, бернинди билгесез җитештерүчеләр товары да, хәтта өч тапкыр арзанрак булса да, кызыктырмаска тиеш), һәм конструкция күзлегеннән караганда: кайнар су яки пар белән пешәргә мөмкин. Шуңа күрә җыюның сыйфаты һәм конструкциянең төптән уйланылган булуы идеаль булырга тиеш, ә җыю материалларының сыйфаты бернинди дә сораулар тудырмаска тиеш – бернинди ярыклар да, яки тиешенчә беркетелмәгән разъемнар да булырга тиеш түгел.
2. Электр чәйнеген базарларда, шикле урыннарда сатып алудан ерак булыгыз.
Теләсә нинди техника потенциаль куркыныч чыганагы булып тора. Ул су белән турыдан-туры элемтәдә, ул җылытыла һәм кайный, аның белән балалар файдалана. Шуңа күрә «барысы да яхшы булырга тиеш» һәм куркынычсыз булырга тиеш, ватылган очракта янгын килеп чыгу куркынычы зур.
3. Температураны көйләү берәүгә дә кирәк түгел дип саныйсызмы?
Иң мөһиме – чәйнек суны кайнатып чыгару үзлегенә ия булырга тиеш дигән фикер белән килешәбез. Әмма, яшел чәй эчәргә яратучылар, температурына көләүче чәйнеккә өстенлек бирә: суны 80 градуска кадәр генә җылытып, электр энергиясен янга калдыра аласыз, әгәр гаиләдә яшь бала булса, суны 40 градуска кадәр генә җылытып, балалар ризыгы пешерергә була (сүз уңаеннан, температураны көйләүче барлык чәйнекеләр дә бу температурага кадәр җылытмый, күпләр өчен кимендә 50 яки 70 градус).
4. Югары егәрлекне төп өстенлек дип санарга.
Әгәр ун ел элек норма 1,5–1,7 л күләмле чәйнекләр өчен 1800-2000 Вт булса, хәзер максималь егәрлек 2600 һәм хәтта 3000 Вт – сирәк күренеш түгел. Әйе, мондый чәйнекләр тизрәк кайната, әмма артык йөкләнештән бөкеләр дә сафтан чыгуын истән чыгармагыз. Исегездә тотыгыз, сезнең электр үткәргече шундый йөкләнешкә исәпләнгән булырга тиеш.
Әмма чәйнек егәрлегеннән тыш, чәйнекләрнең башка бик күп үзенчәлекләре дә бар. Аларның һәркайсы әһәмиятле, әмма аларга игътибар итәргә һәм аларны уңайлылыгы турында үз күзаллаулары белән чагыштырырга кирәк:
- яктырту уты;
- фильтр (нейлон фильтр корычка караганда тизрәк сафтан чыга);
- су дәрәҗәсе шкаласы булу яки булмау;
- ике катлы стеналы һәм җылылыкны саклау функциясе (термос эффекты, икенче очракта – электр белән җылытуга энергия сарыф ителә);
- чәй пешерү өчен кәрҗин (чәйнек колбасын еш юарга туры киләчәк);
- ачык яки ябык җылыту элементы (барлык модельләрдә дә диярлек ябык җылыткыч кулланыла, хәер, ачык варианттан да куркырга кирәкми: аны чистарту кыенрак, ә гомумән, аның белән су тизрәк кайный, һәм анда бернинди куркыныч та юк);
- читтән торып идарә итү мөмкинлеге (модалы, уңайлы – сериалдан аерылмыйча гына, диваннан торып кабызып җибәрергә була, ләкин «акыллы» модельләр чәйнектә су булмауны хәбәр итәргә әлегә өйрәнмәгән, бу чәйнекеләрнең икенче эволюциясе).