Кулланучылар хокукларын яклау көненә багышланган балалар рәсемнәре конкурсына йомгак ясау турында
2021 елның мартында Алабуга районында «Пластик материаллар белән пычрануга каршы көрәш» дигән темага балалар рәсемнәре конкурсы үткәрелде, анда 10 яшьтән 13 яшькә кадәрге яшь рәссамнар катнашты. Конкурс Бөтендөнья кулланучылар хокукларын яклау көненә багышланган иде.
"Пластик чүп-чарга юк»,» «Чүпләмәгән җирдә чиста», «Дөнья океанын саклыйк», «Заманча су асты дөньясы», «Чүп - чар - янгын чыганагы» - балалар рәсемнәре темалары күп төрле түгел, ләкин конкурста катнашучыларның һәрберсе пумала һәм буяулар ярдәмендә үз карашын тормышка ашырырга тырышкан.
26 апрельдә Алабуга муниципаль районының «2 нче балалар сәнгать мәктәбе» өстәмә белем бирү муниципаль бюджет мәгариф учреждениесендә конкурста катнашучылар һәм укытучылар бүләкләнде.
Конкурска 19 эш тәкъдим ителгән иде. Амалия Сафиуллина, Максим Симонов, София Костина, Юлия Венцковская һәм Айзилә Исмәгыйлеваның иҗади эшләре комиссия әгъзаларының игътибарын аеруча җәлеп итте.
Конкурста җиңүчеләргә һәм катнашучыларга истәлекле бүләкләр тапшырылды.