Әгерҗе муниципаль районы авыл җирлекләрендә ведомствоара комиссиянең күчмә утырышы узды
Әгерҗе муниципаль районының Иске Эсләк, Девятернә, Кадыбаш авыл җирлекләрендә алкоголь базарындагы проблемалы мәсьәләләр гадәти булмаган форматта каралды. Удмуртия Республикасы белән чиктәш авыл җирлекләрендә республикада җитештерелгән алкоголь продукциясен район кулланучылар җәмгыяте системасы белән генә тәэмин ителә.
Сәүдә өлкәсендә эшләүче шәхси эшмәкәрләр белән очрашуда легаль хәмернең һәркем өчен “буй җитәрлек” булуын оештыру кирәклеге турында әңгәмәләр үткәрелде. Легаль алкогольле продукцияне сатуда таләпләр турында кызыксындырган сорауларга аңлатмалар бирелде. Нәтиҗәдә, 2 эшмәкәр, көндәлек ихтыяҗ тауарлары белән беррәттән, алкогольле продукцияне законлы сату белән дә шөгыльләнергә карар кылган.
Очрашу нәтиҗәләре буенча Әгерҗе райпосы алдына сәүдә объектларында легаль алкоголь продукциясенең ассортиментын һәм тәкъдим ителешен киңәйтү, авыл кибетләренең эш режимын үтәүне тәэмин итү бурычлары куелды. Авыл җирлекләре башлыкларына алкогольле һәм спиртлы продукциянең легаль булмаган әйләнешен ачыклау һәм булдырмау, легаль булган хәмер продукциясен сатучы яңа сәүдә объектларын ачу буенча эшне көчәйтергә кирәклеге җиткерелде.