Буа районында МВК утырышы узды
2021 елның 10 июнендә Буа шәһәрендә Буа районы башлыгы рәислегендә Алкогольле һәм спиртлы продукциянең легаль булмаган әйләнешен кисәтү һәм булдырмау буенча Ведомствоара комиссиянең чираттан тыш утырышы булды. Комиссия эшендә Татарстан Республикасы Дәүләт алкоголь инспекциясе җитәкчесе урынбасары Рөстәм Арсланов, контроль-инспекция бүлеге начальнигы Татьяна Хәбибуллина катнашты. Татарстан Республикасы Дәүләт алкоголь инспекциясенең Яшел Үзән территориаль органы начальнигы, Россия Федерациясе Эчке эшләр министрлыгының Буа районы буенча бүлеге, «Алкоторг» ҖЧҖ вәкилләренең докладлары тыңланды. «Магнит» һәм «Красное – Белое» кибетләрендә Татарстан Республикасы алкогольле продукциясен тәкъдим итү турында «Тандер» АҖ, «Лабиринт-Волга» ҖЧҖ вәкилләре сөйләде. Утырыш йомгаклары буенча, Рөстәм Арсланов тәкъдимнәрен исәпкә алып, алкогольле продукцияне, шул исәптән Татарстан Республикасында җитештерелгән продукцияне сатуны арттыруга юнәлдерелгән өстәмә чаралар эшләнде, җаваплы затлар билгеләнде һәм аларны үтәү сроклары билгеләнде.