Казан территориаль органының 6 айлык эшчәнлеге нәтиҗәләре турында
28 июньдә Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге начальнигы Марсель Шаһидуллин 2021 елның 6 ае эшенә йомгак ясауга багышланган киңәшмә үткәрде.
Мониторинг үткәрү һәм бәяләр үзгәрү динамикасы буенча әйдәп баручы белгеч-эксперт Лилия Шәңгәрәева чыгыш ясады. Бу юнәлештә аларны сыйфатлы итеп үткәрү һәм базар конъюнктурасындагы үзгәрешләр турында Татарстан Республикасы Дәүләт алкоголь инспекциясе аппараты вәкилләренә оператив рәвештә җиткерү билгеләп үтелде.
Коррупцион факторларны булдырмас өчен, шәхси эшмәкәрләр һәм оешмалар арасында анкеталау, югарыда күрсәтелгән тематикага киңәшмәләр үткәрелә.
Шунысын да билгеләп үтәргә кирәк, вазыйфаи зат тарафыннан үз хезмәт вәкаләтләрен файдалы яки башка шәхси кызыксыну белән файдалану, ул оешма яки гражданнарның мәнфәгатьләрен һәм хокукларын җитди бозу, шулай ук дәүләт яки җәмгыятьнең закон белән саклана торган мәнфәгатьләрен бозу РФ ҖК 285 статьясы нигезендә, хезмәт вазифаларыннан явызларча файдалану буларак трактлана.
Гражданнарның мөрәҗәгатьләрен карау нәтиҗәләренә күзәтү белән әйдәп баручы белгеч Светлана Заботина чыгыш ясады. Ул билгеләп үткәнчә, мөрәҗәгатьләрнең тематикасы бу яртыеллыкта Интернет-сәүдә һәм товарлар сатып алуның дистанцион ысулы белән бәйле мәсьәләләр ягына арткан. Үзенең чыгышы кысаларында ул мөрәҗәгать итүченең тематикасына һәм катлаулылыгына карамастан, законнар белән билгеләнгән срокларда каралуын билгеләп үтте.
Нәтиҗә ясап, бүлек башлыгы, тулаем алганда, үсеш һәм координация бүлегенең эшен канәгатьләнерлек дип тануын билгеләп үтте.