Зәй районында МВК утырышы узды
2021 елның 2 июлендә Татарстан Республикасы Зәй муниципаль районы хакимиятендә этил спирты һәм алкогольле продукциянең законсыз әйләнешен ачыклау һәм булдырмау буенча ведомствоара комиссия утырышы булып узды.
Анда Зәй муниципаль районы Башкарма комитеты, Россия Эчке эшләр министрлыгының Зәй районы буенча бүлеге, Татарстан Республикасы Дәүләт алкоголь инспекциясенең Түбән Кама территориаль органы катнашты.
Комиссия утырышында түбәндәге мәсьәләләр каралды:
- Зәй муниципаль районы территориясендә алкогольле продукцияне куллану базарының торышы турында;
- законсыз алкогольле һәм спиртлы продукция кертү каналларын булдырмауга юнәлдерелгән чаралар турында;
- сыра, сыра эчемлекләре, сидр, пуарэ һәм медовуханы да кертеп, алкогольле продукцияне законсыз сатуны тыюга юнәлдерелгән чаралар турында;
- законсыз әйләнештән алынган алкогольле продукцияне юк итүгә юнәлдерелгән күрелә торган чаралар турында.
Комиссия эше нәтиҗәләре буенча алкогольле продукцияне лицензиясез сатуны тыюга юнәлдерелгән карарлар кабул ителде. Моннан тыш, комиссия алкогольле продукциянең законсыз әйләнешен булдырмау, алкогольле һәм спиртлы продукцияне законсыз әйләнештән алу һәм юк итү, шул исәптән стационар булмаган сәүдә объектларында һәм гражданнарның күпләп ял итү урыннарында сатыла торган чаралар комплексын эшләде.