Структур бүлекчәләр башлыклары 2021 елның 6 ае эшенә йомгак ясадылар
Бүген Татарстан Республикасы Дәүләт алкоголь инспекциясе җитәкчесе Җәүдәт Әхмәтханов рәислегендә структур бүлекчәләр башлыкларының эш йомгаклары буенча киңәшмә узды.
Татарстан Республикасы Дәүләт алкоголь инспекциясе җитәкчесе урынбасары Рөстәм Арсланов 2021 елның 6 ае йомгаклары буенча Татарстан Республикасында алкоголь базарының торышы турында сөйләде.
«Татарстан Республикасы Дәүләт алкоголь инспекциясенең иң яхшы территориаль органы» конкурсының 2021 елның 6 ае йомгаклары буенча башлангыч нәтиҗәләре турында «Татэкспертцентр» ДБУ эшләр идарәчесе Юрий Митюшкин чыгыш ясады.
Ваклап сатуга керә торган алкогольле продукцияне контрольдә тоту бүлеге башлыгы Елена Солуянова Татарстан республикасына кертелә торган алкогольле продукциянең сыйфатын, легальлеген һәм куркынычсызлыгын тикшерү эшчәнлегенә программа продуктларын кертү турында доклад белән чыгыш ясады.
Алга таба Татарстан Республикасы Дәүләт алкоголь инспекциясенең территориаль органнары республика сыра җитештерүчеләре продукциясен алга этәрү буенча башкарылган эшләр турында хисап тотты.
Киңәшмә ахырында Татарстан Республикасы Дәүләт алкоголь инспекциясе бүлекчәләре начальниклары тарафыннан киңәшмә карарларының үтәлеш нәтиҗәләре дә яңгырады, аны контроль-инспекция бүлеге начальнигы Татьяна Хәбибуллина әзерләде.