Спас районында ведомствоара комиссия утырышы узды
2021 елның 22 сентябрендә Спас муниципаль районында алкогольле һәм спиртлы продукциянең законсыз әйләнешен ачыклау һәм булдырмау буенча ведомствоара комиссиянең чираттагы утырышы булып узды. Чара Татарстан Республикасы Дәүләт алкоголь инспекциясе җитәкчесе Җәүдәт Әхмәтханов (ZOOM режимында) катнашында, шулай ук районның ведомство, оешма һәм предприятиеләре җитәкчеләре, авыл җирлекләре башлыклары, шулай ук кече бизнес вәкилләре катнашында Спас муниципаль районы башлыгы Фәргать Мөхәммәтшин рәислегендә узды.
Чара барышында Спас районында булырга мөмкин булган проблемалар да әйтелде. Спас муниципаль районының кулланучылар базарында, шул исәптән алкоголь базарында һәм кулланучылар хокукларын яклау буенча хәлне яхшырту юллары билгеләнде.
Утырышта Эчке эшләр министрлыгының алдагы утырышы карарын үтәү нәтиҗәләре, алкогольле продукцияне ваклап сату буенча җирле базарлардагы вәзгыятьне бәяләү күрсәткечләре буенча район рейтингы буенча фикер алыштылар. Докладчылар үз чыгышларында район территориясендә сәүдә объектлары һәм авыл җирлекләре киселешендә алкогольле продукция сату дәрәҗәсен, алкогольле һәм спиртлы продукциянең легаль булмаган әйләнешен кисәтү буенча эшне анализладылар. Алкогольле продукцияне ваклап сатучы хуҗалык итүче субъектлар үз проблемаларын хәбәр итү мөмкинлегенә ия булдылар. Утырыш нәтиҗәләре буенча Спас районының алкоголь базарындагы хәлне яхшырту буенча карар кабул ителде.