Балтач районы җитештерүчеләренең продукциясе күргәзмә-презентациясе оештырылды
2021 нче елның сентябрендә Балтач муниципаль районында Балтач районы җитештерүчеләренең продукция күргәзмә-презентациясе булып узды, ул Балтач муниципаль районы Башкарма комитеты тарафыннан оештырылды.
Чараның төп идеясе - җирле предприятиеләргә үз продукцияләрен күрсәтү мөмкинлеге бирү. Аның нәтиҗәсе җирле товарларга ихтыяҗ арту һәм тулаем бизнес-климатны яхшырту булырга тиеш.
Халыкка һәм кунакларга азык-төлек һәм азык-төлек булмаган товарларның бай ассортименты тәкъдим ителде. «Икмәк» җитештерү берләшмәсе икмәк һәм икмәк-күмәч эшләнмәләре, казылык һәм ит продуктлары, бастурма, ысланган ит, кош ите, балык, татлы газлы су тәкъдим итте. А. Сәмигуллин КФХсы күргәзмәгә бал һәм умартачылык продукциясенең киң ассортиментын тәкъдим итте. Закиров Р.З. крестьян-фермер хуҗалыгы ит продукциясе, төрле казылыклар тәкъдим итте, аларның тәме Татарстанда гына түгел, аннан читтә дә таныш. «Җәмәгать туклануы» проекты торт, өчпочмак, төрле эчлекле пироглар белән шатландырды, билгеле инде татар чәк-чәгеннән башка булмады. «Балтач сөт комбинаты» АҖ сырның төрле сортларына дегустация үткәрде.
Барлык килүчеләр дә җитештерүчеләр тарафыннан рәсмиләштерелгән мәгълүмат стендларын зур кызыксыну белән карадылар, җитештерелә торган продукция белән таныштылар. Продукциянең тәкъдим ителгән ассортименты шундый төрле иде ки, ул күзләрне сөендерде.
Татарстан Республикасы Дәүләт алкоголь инспекциясенең Арча территориаль органы хезмәткәре әлеге чара барышында халыкка җирле продукциянең барлык өстенлекләрен – чималның сыйфаты турында аңлатты һәм тиешле буклетлар таратты.