Җәүдәт Әхмәтхановның Татарстан Республикасы Дәүләт алкоголь инспекциясе оешу көне белән котлавы
Хөрмәтле коллегалар, кадерле ветераннар! Сезне Татарстан Республикасы Дәүләт алкоголь инспекциясе оешу көне белән котлыйм!
Татарстан Республикасы Министрлар Кабинетының кулланучылар хокукларын яклау буенча Татарстан Республикасы Дәүләт комитеты структурасында алкогольле продукциягә дәүләт монополиясен тәэмин итү буенча инспекция төзү турындагы 8100 номерлы карары исәпләү ноктасы булып тора.
Узган еллардагы күп кенә вакыйгалар инде тарихка кереп калды. «Алкоголь базары өлкәсендәге башбаштаклык» белән көрәштә Татарстан Республикасы Президенты һәм Хөкүмәте тарафыннан алкоголь тармагын саклау эшендә хәлиткеч дип атарга мөмкин булган карарлар кабул ителде: алар хәлне тотрыкландырырга һәм алга таба үсеш өчен мөмкинлек бирде.
Дәүләт алкоголь инспекциясе әлеге карарларны тормышка ашыру өчен күп көч куйды. Легаль булмаган хәмергә каршы көрәштә алкоголь базарын дәүләти җайга салу системасы ул еллардагы вакыйгалар әйләнешендә корыла.
Бүген Татарстан Республикасының алкоголь базарын җайга салу системасын Россия Федерациясенең башка төбәкләре дә үрнәк итеп ала. Республикада узган 26 ел эчендә тормышка ашырылган күп кенә идеяләр һәм эшләнмәләр федераль дәрәҗәдә кабул ителгән һәм кулланыла.
Татарстан Республикасы Дәүләт алкоголь инспекциясе республиканың башкарма хакимият органы булып тора. Аны оештыру чорында республика Хөкүмәте тарафыннан инспекция алдында куелган бурычлар һәм максатлар шактый киңәйде. Татарстан Республикасы Дәүләт алкоголь инспекциясенең алкоголь базары белән генә түгел, ә кулланучылар хокукларын яклау мәсьәләләре белән дә шөгыльләнүе һәркем өчен гадәти күренешкә әверелде.
Татарстан Республикасы Дәүләт алкоголь инспекциясенең барлык хезмәткәрләре - югары дәрәҗәдәге профессионаллар, ә инспекция коллективы - компетентлы һәм максатчан белгечләрнең уникаль командасының үрнәге.
Сезне, дуслар, чын күңелдән котларга һәм барыгызга да сәламәтлек, 26 ел элек башланган эшләрне дәвам итү һәм арттыру өчен бетмәс-төкәнмәс энергия теләргә рөхсәт итегез!
Татарстан Республикасы Дәүләт алкоголь инспекциясе җитәкчесе Җәүдәт Әхмәтханов