2021 елда «Кулланучылар хокукларын яклау» темасы буенча республика Олимпиадасына йомгак ясалды

2021 елның 9 ноябре, сишәмбе

«Кулланучылар хокукларын яклау» темасына республика олимпиадасы (алга таба – Олимпиада) тәмамланды.

Татарстан Республикасында «2014 - 2025 елларга Татарстан Республикасында кулланучылар хокукларын яклауның комплекслы системасын үстерү» максатчан программасы гамәлдә, Татарстан Республикасы Дәүләт алкоголь инспекциясе әлеге программаның координаторы итеп билгеләнде. Кулланучылар белемен арттыру, шул исәптән урта уку йортлары укучылары өчен куллану белемнәре нигезләре буенча Олимпиада үткәрү программаның өстенлекле юнәлешләренең берсе булып тора. Кулланучыларның үз-үзен тотышы нигезләрен белү тагын да актуальрәк һәм әһәмиятлерәк була бара.

Олимпиада безнең республикада тугызынчы ел үткәрелә. Быел Олимпиадада катнашу өчен Татарстан Республикасының 8-11 сыйныфларында белем алучы 14779 укучы гариза биргән. Олимпиадада катнашырга теләүчеләр елдан-ел арта бара. Мәсәлән, 2013 елда олимпиадада 500ләп катнашучы, 2014 елда – 800 гә якын, 2015 елда - 1800, 2016 елда - 2400дән артык, 2017 елда - 4000нән артык, 2018 елда – 6285, 2019 елда - 9441, 2020 елда 13969 катнашучы гариза бирде. Бу әлеге юнәлеш белән кызыксынуның арта баруы, үсеп килүче буынның активлаша баруы турында сөйли.

Укучылар алган кулланучылар белемнәре аларга хезмәт һәм товарларның күптөрлелегенә ориентлашырга, дөрес сайлау ясарга һәм кулланучылар хокуклары бозылган очракларда эш итә белергә ярдәм итәчәк.

Олимпиаданың беренче этабы www.tatzpp.ru сайтында тест формасында узды;

2 этап кулланучылар хокукларын яклау белән бәйле темага эссе язу формасында дистанцион рәвештә үтте;

3 этап - zoom буенча катнашучылар белән онлайн-әңгәмә формасында узды, анда катнашучыларга кулланучылар хокукларын яклау өлкәсендәге ситуацион сорауларга җавап бирергә тәкъдим ителде.

Олимпиада жюрие республиканың әйдәп баручы югары уку йортлары, кулланучылар хокукларын яклау буенча иҗтимагый берләшмәләр һәм Татарстан Республикасы Дәүләт алкоголь инспекциясе мөгаллимнәреннән оештырылган иде. Комиссияне Митюшкин Юрий Иванович – Россия Федерациясенең һәм Татарстан Республикасының атказанган юристы, юридик фәннәр кандидаты, «Бөтенроссия дәүләт юстиция университеты (Россия Юстиция министрлыгының РПА)» ЮҺБ ФДБМУ доценты җитәкли.

8-9 һәм 10-11 сыйныф укучылары арасында Олимпиада җиңүчеләре билгеләнде. Алар: Нургалиева Ралина Искәндәр кызы, Менделеевск муниципаль районының 1 нче гимназиясе 9 сыйныф укучысы (8-9 сыйныфлар арасында), Тәтеш муниципаль районының Олы Тархан урта гомуми белем бирү мәктәбенең 10 сыйныф укучысы Хаярова Алсу Җедит кызы (10-11 сыйныфлар арасында). Олимпиадада җиңүчеләр дипломнар һәм кыйммәтле бүләкләр белән бүләкләнәчәк.

Моннан тыш, 1, 2, 3 дәрәҗә Олимпиада призерлары билгеләнде. Олимпиада призерлары шулай ук дипломнар һәм бүләкләр белән бүләкләнәчәк.

Жюри, шулай ук, «Кулланучылар грамоталылыгы нигезләрен өйрәнүдә ирешкән уңышлары өчен», «Кулланучылар белеме нигезләрен өйрәнүдә ирешкән уңышлары өчен», «Кулланучылар белемен арттыруда үҗәтлек өчен», «Кулланучылар белемен алуда активлык һәм максатчанлык өчен», «Кулланучылар законнарын белүгә һәм өйрәнүгә омтылышы өчен», «Кулланучылар хокукларын яклау» темасы буенча укучылар өчен Олимпиадада актив катнашканы өчен» номинацияләрендә кызыксындыру призлары белән бүләкләнә.

(нәтиҗәләрне таблицада карагыз).

2021 елгы Олимпиада нәтиҗәләре буенча шулай ук «Менделеевск муниципаль районының 1 нче гимназиясе» Татарстан Республикасында кулланучылар мәгарифе системасын үстерүгә аеруча зур өлеш керткән гомуми белем бирү оешмасы бүләкләнәчәк.

Җиңүчеләрне һәм призерларны, шулай ук Олимпиадада катнашучыларның барысын да котлыйбыз һәм киләчәктә дә уңышлар телибез!