Кукмара районының Сәрдекбаш авылында гражданнарны кабул итү булды

2021 елның 8 декабре, чәршәмбе

2021 елның 7 декабрендә Татарстан Республикасы Дәүләт алкоголь инспекциясенең Арча территориаль органы начальнигы Булат Кадыйров һәм контроль-инспекция бүлегенең әйдәп баручы белгеч-эксперты Илшат Бәдретдинов Татарстан Республикасы Кукмара муниципаль районының Сәрдекбаш авыл җирлегендә гражданнарны кабул иттеләр.

Кабул итүгә якын-тирә авылларда һәм Сәрдекбаш авылында яшәүчеләр килде. Аларны сыйфатсыз товарларны, аерым алганда азык-төлек товарларын сатып алганда кулланучыларның хокуклары, товарга касса чегы булмаганда нишләргә кирәклеге һ. б. кызыксындырды.

Барлык чараларда катнашучыларга «Кулланучы өчен белешмәлек» буклетлары, «Вестник потребителя Татарстана» газетасының чираттагы саны өләшенде.