«Салют» сатып алганчы бел, нәрсә тәкъдим итәләр
Күп кенә кешеләр, көтеп алынган яңа елны каршылаганда онытылмаслык якты тәэсирләр алырга теләп, күңел ачу характерындагы пиротехник эшләнмәләр сатып алырга ашыга.
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлегенең әйдәп баручы белгеч-эксперты Зөһрә Гыйльметдинова хосусый эшмәкәр Р.Р. Садриеваның (Арча шәһәре) «Фейерверклар» сәүдә объекты сатучылары өчен пиротехника әйберләрен сату кагыйдәләре буенча укыту семинарын үткәрде. «Кулланучылар хокукларын яклау турында» РФ Законы нормалары һәм ваклап сату-алу шартнамәсе буенча товарлар сату Кагыйдәләре аңлатылды.
Тормыш һәм сәламәтлек өчен куркынычсыз булган күңел ачу чарасын сатып алганда, без түбәндәгеләрне белергә тиеш:
Пиротехник эшләнмәләрне легаль сату аларны саклау өчен тиешле шартлар булган махсуслаштырылган бүлекләрдә (секцияләрдә) гамәлгә ашырыла.
Пиротехниканы базарларда һәм башка санкцияләнмәгән сәүдә урыннарында сатып алу бәйрәмнең күңелсез тәмамлануы китерергә мөмкин. Беренчедән, анда еш кына сертификацияләнмәгән продукцияне саталар, икенчедән, анда товарны тиешле саклау шартлары юк.
Көнкүреш билгеләнешендәге пиротехник эшләнмәләр куркыныч классы III дәрәҗәдән югарырак булырга тиеш түгел. Һәрбер пиротехник эшләнмәгә, текстның төгәллеген һәм аермасын тәэмин итү шарты белән, эшләнмә корпусында яки аның куллану төрелмәсендә китерелә торган куллану буенча инструкция мәҗбүри рәвештә куелырга тиеш. Куллану буенча инструкция текстында түбәндәгеләр булырга тиеш:
- пиротехника әйберләре белән эш итү һәм куллану шартлары буенча чикләүләр;
- куркынычсыз әзерлек, эшләтеп җибәрү һәм утильләштерү ысуллары (кирәк булганда);
- пиротехник эшләнмәләр һәм алардан янгыннарны булдырмау чаралары;
- яраклылык вакыты яки гарантия срогы һәм җитештерү датасы;
- пиротехник эшләнмәнең куркынычлыгы турында кисәтү;
- җитештерүченең мәгълүмат элементлары;
- пиротехник эшләнмәнең идентификацион билгеләре;
- сертификацияләү турында мәгълүмат һәм пиротехника продукциясе спецификасына бәйле башка мәгълүматлар.
Әлеге мәгълүмат рус телендә бәян ителергә тиеш. Текст ачык, яхшы укыла торган булырга тиеш. Кисәтү язулары яисә эре шрифт белән «Игътибар!» дип язылган булырга тиеш.
Мондый эшләнмәләрне сатып алганда, төрле фаҗигаләрдән котылырга ярдәм итәчәк берничә кагыйдәне истә тотарга кирәк:
Кулдан ясалган пиротехник эшләнмәләрне кулланмаска!
Пиротехниканың барлык төрләре дә бары тик урамда куллану өчен генә.
Пиротехник эшләнмәләр сайлаганда аларның тышкы кыяфәтенә игътибар итегез. Ачык дефектлары булган әйберләрдән файдаланырга ярамый: ватылган, ярылган, ярыклар һәм корпуска яки фитилгә зыян килгән әйберләр.
Түбәндәгеләр тыела:
- сатып алынган пиротехниканы куркынычсызлык чараларын куллану буенча Инструкция белән танышканга кадәр куллану тыела;
- 5 м/с дан артык җил булган очракта пиротехниканы кулланырга ярамый;
- куркыныч зонада кешеләр, хайваннар, ягулык материаллары, агачлар, биналар, торак корылмалар, электр белән тәэмин итү чыбыклары булганда пиротехника шартлату тыела;
- кулдан салютлар җибәрү һәм эшләнмәләргә 2 минут эчендә аларны җәлеп итү тыела;
- куллану барышында пиртоехника өстендә иелү тыела;
- яраклылык срогы чыккан эшләнмәләрне; күренеп торган зыяннары булган товарны куллану тыела;
- куллану буенча инструкциядә һәм әлеге куркынычсызлык чаралары белән каралмаган теләсә нинди гамәлләр башкарырга, шулай ук әзер эшләнмәләрне сүтү яки яңадан эшләтү тыела;
- пиротехниканы ябык биналарда, фатирларда, офисларда куллану тыела, шулай ук балкон һәм лоджийлардан салютлар җибәрергә ярамый;
- балаларга пиротехник эшләнмәләрне мөстәкыйль рәвештә эшләтергә рөхсәт ителми;
- балигъ булмаганнарга пиротехник эшләнмәләр сату тыела;
- җылыту приборларында, җылылык батареяларында, җылыткычларда юылган пиротехник эшләнмәләрне киптерү тыела, һ. б.