Ике ведомство хезмәткәрләре кулланучылар хокукларын яклау өлкәсендә эш тәҗрибәсе белән уртаклаштылар
2021 елның 29 декабрендә, кулланучылар хокукларын яклау буенча эш тәҗрибәсе белән уртаклашу максатыннан чыгып, Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның ТР буенча территориаль органы хезмәткәрләре белән очрашу оештырылды. Чара барышында «2014-2025 елларга Татарстан Республикасында кулланучылар хокукларын яклауның комплекслы системасын үстерү» буенча 6 нчы озак сроклы максатчан программасын тормышка ашыру турында фикер алышынды.
2021 елда ике ведомство хезмәткәрләре кулланучылар һәм хуҗалык итүче субъектлар өчен төрле профилактик чаралар үткәрделәр. Һәр оешма тарафыннан мөстәкыйль рәвештә күп эш башкарылды. Чарада катнашучылар 2021 елдагы эшчәнлек нәтиҗәләре турында сөйләделәр, кулланучылар хокукларын яклау системасын тәэмин итү һәм алга таба камилләштерү мәсьәләләрендә бердәм алымнар эшләделәр. 2022 елга Бөтендөнья кулланучылар хокукларын яклау көне һәм Европа сыйфат атнасы кысаларында чаралар үткәрү чорында, шулай ук массакүләм мәгълүмат чаралары белән үзара хезмәттәшлек мәсьәләләре буенча уртак эш билгеләнгән. Киләсе елда муниципаль районнар сайтларында кулланучылар хокукларын яклау өлкәсендәге мәсьәләләр буенча гражданнарга кулланучылар агарту һәм гражданнарга мәгълүмат бирү буенча материаллар урнаштыруга аерым игътибар биреләчәк.
Ике ведомство хезмәткәрләренең бердәм эшләве ведомство карамагындагы районнарда кулланучылар мәнфәгатьләрен комплекслы якларга мөмкинлек бирә.