Әлмәт территориаль органында йомгаклау киңәшмәсе булды

2022 елның 4 марты, җомга

Татарстан Республикасы Дәүләт алкоголь инспекциясенең Әлмәт территориаль органында, ZOOM платформасында, куратор Юрий Митюшкин катнашында 2021 елгы эш нәтиҗәләре буенча киңәшмә узды.

Киңәшмә барышында территориаль орган эшчәнлегенең барлык индикаторлары үтәлешенә анализ ясалды. Ирешелгән нәтиҗәләр, эштә булган проблемалар, мөмкин булган резервлар билгеләнде. Шулай ук территориаль органда үткәрелә торган дәресләрнең сыйфаты һәм хезмәт әзерлегенең канәгатьләнерлек булуы билгеләп үтелде.

Хезмәткәрләр игътибарына Татарстан Республикасы Дәүләт алкоголь инспекциясенең кадрлар сәясәте һәм коррупция бүлегенә керемнәр, чыгымнар, милек һәм милек характерындагы йөкләмәләр турында белешмәләр бирү буенча таләпләр җиткерелде.