Кулланучы әлифбасы: «дөрес » шашлык сатып алабыз
15 апрельдә Татарстан Республикасы Дәүләт алкоголь инспекциясенең Казан территориаль органы хезмәткәре Казан шәһәренең Вахитов районында урнашкан азык-төлек кибетендә гражданнарны һәм хуҗалык итүче субъектларның вәкилләрен анкеталау эше дәвам итте.
Анкеталау face-to-face форматында, ягъни респондентлар белән шәхси контактта үткәрелде. Мондый тикшеренүләр ярдәмендә социаль өлкәләрне үстерү векторларын билгеләргә һәм халыкка хезмәт күрсәтү сыйфатын яхшыртырга мөмкин.
Анкеталау ит һәм ит продуктларын, маринланган ит эшләнмәләрен сайлау темасына багышланган иде.
Шулай итеп, Татарстан Республикасы Дәүләт алкоголь инспекциясенең Казан территориаль органы шашлык өчен ит сайлаганда, ул тәмле һәм файдалы килеп чыксын, ә аны кулланганнан соң, сәламәтлеккә бәйле күңелсезлекләр һәм проблемалар тумасын өчен, берничә гади кагыйдәне үтәргә киңәш итә.
- Азык-төлек продуктларын стационар сәүдә предприятиеләрендә сатып алыгыз. Озату документларына игътибар итегез: товарга накладная, ярашлылык сертификаты, иткә ветеринария белешмәсе сатучыда мәҗбүри булырга тиеш.
- Суытылган ит сатып алганда, аның тышкы кыяфәтенә һәм исенә игътибар итегез. Бернинди дә ят ис булырга тиеш түгел! Әгәр иттән бераз гына булса да тончыган, черек ис килә икән - сатып алудан баш тартырга кирәк. Суытылган ит - коры, әмма шул ук вакытта ялтыравыклы, бераз тигез төстә булырга тиеш. Ул дымлы, юеш булырга һәм аннан кан саркырга тиеш түгел. Сатып алыр алдыннан, һичшиксез, суытылган итне җәеп карагыз, чөнки сатучылар еш кына кирәкмәс кисәкләр, майны ит эченә яшереп куя. Итне бөтен бер кисәк итеп сатып алу яхшырак. Кара ит алырга кирәкми - ул карт мал ите булырга мөмкин. Кайчагында суытылган ит буларак, кулланучыга туңдырылган ит тәкъдим итәләр. Туңдырылган итне шашлык әзерләү өчен кулланырга мөмкин, әмма тәм сыйфаты буенча ул суытылган иттән калышачак.
- Кабат туңдырылган итне сатарга ярамый. Суытылган итне кабат туңдырылган иттән аеру өчен иткә кагылырга һәм бармакны берничә секунд тотарга кирәк: туңдырылган иттә караңгы төстәге таплар кала, ә кабат туңдырылган ит үзгәрмәячәк.
- Әгәр сез кибеттә катырылган шашлыкны сатып алырга уйлагансыз икән, аны тышкы кыяфәте буенча гына сайларга тырышыгыз. Маркировканы өйрәнү мөһим. Анда, гомуми массадан тыш, ит сорты язылган булырга тиеш: югары яки беренче сортлы итне сатып алырга киңәш ителә. Барлык сортларда да коры җилекләр күп булачак, һәм мондый шашлык сезгә шатлык китермәс.
- Җитештерү маринады бер атнадан да артык сакланмый. Әгәр сезнең сайлау пластик чиләктә маринадланган шашлыкка төшә икән, аның апкачына игътибар итегез. Ул тигез булырга тиеш, кабарып торырга тиеш үгел.
Танылган җитештерүчедән завод төргәгендәге ит ышанычлы. Завод төрелмәсендә ит алсагыз, карагыз, анда сыеклык артык күп булмасын. Суытылган яхшы ит маринадны йота, ә туңдырылган ит киресенчә, сок бүлеп чыгара.
- Тәмле-лимонлы маринадлар итне 3 көн дәвамында бозарга ирек бирми, ә майонез-кефир соусындагы ит тизрәк бозыла. «Дөрес» шашлык составы - ярымфабрикат: бары тик дуңгыз ите, тоз, серкә, суган, тәмләткечләрдән (борыч, имбирь, кориандр һ.б.) генә тора.
Хөрмәтле кулланучылар, бу гади киңәшләрдән соң, сез үзегезне һәм якыннарыгызны сыйфатсыз продукциядән саклаячаксыз, һәм сезнең сәламәтлегегезгә зыян килмәячәк.