Нурлатта аппарат киңәшмәсендә алкоголь базарындагы хәл турында фикер алыштылар
2022 елның 16 маенда Нурлатта район башлыгы Алмаз Әхмәтшин җитәкчелегендә аппарат киңәшмәсе узды. Киңәшмәнең төп темасы районның алкоголь базарындагы вәзгыять һәм 2012 елның 1 кварталында Татарстан Республикасы Дәүләт алкоголь инспекциясенең Чистай территориаль органы башкарган эше булды.
Әлеге тематика буенча җентекле доклад белән контроль-инспекция бүлегенең әйдәп баручы белгеч-эксперты Алия Гәрәева чыгыш ясады. Белгеч билгеләп үткәнчә, агымдагы елның гыйнвар-март айларында 14,2 мең дал күләмендә алкогольле продукция сатылган, бу узган елның шул ук чоры белән чагыштырганда 6% ка артык. Җан башына туры килгән алкогольле продукция күләме квартал өчен 2,6 литр тәшкил иткән.
Хисап чорында Нурлат районында территориаль орган белгечләре тарафыннан алкогольле һәм спиртлы продукциянең законсыз әйләнешен ачыклау буенча 14 тикшерү чарасы үткәрелгән. Тикшерү барышында 14 очракта гамәлдәге законнарны бозуның 15 очрагы ачыкланды. 350,2 л күләмендә алкогольле продукция легаль булмаган әйләнештән алынды. Административ хокук бозулар буенча салынган штрафларның гомуми күләме 196000 сум тәшкил итте.
Моннан тыш, катнашучыларга кулланучылар хокукларын яклау өлкәсендәге эш турында мәгълүмат җиткерелде.